دوراہا
یہ جیون اک راہ نہیں اک دوراہا ہے پہلا رستہ بہت سہل ہے اس میں کوئی موڑ نہیں ہے یہ رستہ اس دنیا سے بے جوڑ نہیں ہے اس رستے پر ملتے ہیں ریتوں کے آنگن اس رستے پر ملتے ہیں رشتوں کے بندھن اس رستے پر چلنے والے کہنے کو سب سکھ پاتے ہیں لیکن ٹکڑے ٹکڑے ہو کر سب رشتوں میں بٹ جاتے ہیں اپنے پلے کچھ نہیں بچتا بچتی ہے بے نام سی الجھن بچتا ہے سانسوں کا ایندھن جس میں ان کی اپنی ہر پہچان اور ان کے سارے سپنے جل بجھتے ہیں اس رستے پر چلنے والے خود کو کھو کر جگ پاتے ہیں اوپر اوپر تو جیتے ہیں اندر اندر مر جاتے ہیں دوسرا رستہ بہت کٹھن ہے اس رستے میں کوئی کسی کے ساتھ نہیں ہے کوئی سہارا دینے والا نہیں ہے اس رستے میں دھوپ ہے کوئی چھاؤں نہیں ہے جہاں تسلی بھیک میں دے دے کوئی کسی کو اس رستے میں ایسا کوئی گاؤں نہیں ہے یہ ان لوگوں کا رستا ہے جو خود اپنے تک جاتے ہیں اپنے آپ کو جو پاتے ہیں تم اس رستے پر ہی چلنا مجھے پتا ہے یہ رستہ آسان نہیں ہے لیکن مجھ کو یہ غم بھی ہے تم کو اب تک کیوں اپنی پہچان نہیں ہے
English rendering
Yeh jeevan ek raah nahin Ek doraaha hai Pehla raasta Bohat sehal hai Is mein koi mod nahin hai Yeh raasta Is dunya se be-jod nahin hai Is raste par milte hain Reeton ke aangan Is raste par milte hain Rishton ke bandhan Is raste par chalne wale Kahne ko sab sukh paate hain Lekin Tukde tukde ho kar Sab rishton mein bat jaate hain Apne palle kuch nahin bachta Bachti hai Be-naam si uljhan Bachta hai Saanson ka eendhan Jis mein un ki apni har pehchan Aur un ke saare sapne Jal bujhte hain Is raste par chalne wale Khud ko kho kar jag paate hain Upar upar toh jeete hain Andar andar mar jaate hain Doosra raasta Bohat kathan hai Is raste mein Koi kisi ke saath nahin hai Koi sahara dene wala nahin hai Is raste mein Dhoop hai Koi chhaon nahin hai Jahan tasalli bheek mein de de koi kisi ko Is raste mein Aisa koi gaon nahin hai Yeh un logon ka rasta hai Jo khud apne tak jaate hain Apne aap ko jo paate hain Tum is raste par hi chalna Mujhe pata hai Yeh rasta aasaan nahin hai Lekin mujhe yeh gham bhi hai Tum ko ab tak Kyun apni pehchan nahin hai