ہم نے ڈھونڈیں بھی تو ڈھونڈیں ہیں سہارے کیسے
ہم نے ڈھونڈیں بھی تو ڈھونڈیں ہیں سہارے کیسے ان سرابوں پہ کوئی عمر گزارے کیسے ہاتھ کو ہاتھ نہیں سوجھے وہ تاریکی تھی آ گئے ہاتھ میں کیا جانے ستارے کیسے ہر طرف شور اسی نام کا ہے دنیا میں کوئی اس کو جو پکارے تو پکارے کیسے دل بجھا جتنے تھے ارمان سبھی خاک ہوئے راکھ میں پھر یہ چمکتے ہیں شرارے کیسے نہ تو دم لیتی ہے تو اور نہ ہوا تھمتی ہے زندگی زلف تری کوئی سنوارے کیسے
English rendering
Hum ne dhoondhin bhi to dhoondhin hain sahare kaise In sarabon pe koi umar guzare kaise Hath ko hath nahin soojhe woh tareeki thi Aa gaye hath mein kya jaane sitare kaise Har taraf shor isi naam ka hai duniya mein Koi usko jo pukare to pukare kaise Dil bujha jitne the armaan sabhi khaak hue Raakh mein phir yeh chamakte hain sharare kaise Na to dam leti hai tu aur na hawa thamti hai Zindagi zulf teri koi sanware kaise