مری دعا ہے
خلا کے گہرے سمندروں میں اگر کہیں کوئی ہے جزیرہ جہاں کوئی سانس لے رہا ہے جہاں کوئی دل دھڑک رہا ہے جہاں ذہانت نے علم کا جام پی لیا ہے جہاں کے باسی خلا کے گہرے سمندروں میں اتارنے کو ہیں اپنے بیڑے تلاش کرنے کوئی جزیرہ جہاں کوئی سانس لے رہا ہے جہاں کوئی دل دھڑک رہا ہے مری دعا ہے کہ اس جزیرے میں رہنے والوں کے جسم کا رنگ اس جزیرے کے رہنے والوں کے جسم کے جتنے رنگ ہیں ان سے مختلف ہو بدن کی ہیئت بھی مختلف اور شکل و صورت بھی مختلف ہو مری دعا ہے اگر ہے ان کا بھی کوئی مذہب تو اس جزیرے کے مذہبوں سے وہ مختلف ہو مری دعا ہے کہ اس جزیرے کی سب زبانوں سے مختلف ہو زبان ان کی مری دعا ہے خلا کے گہرے سمندروں سے گزر کے اک دن اس اجنبی نسل کے جہازی خلائی بیڑے میں اس جزیرے تک آئیں ہم ان کے میزباں ہوں ہم ان کو حیرت سے دیکھتے ہوں وہ پاس آ کر ہمیں اشاروں سے یہ بتائیں کہ ان سے ہم اتنے مختلف ہیں کہ ان کو لگتا ہے اس جزیرے کے رہنے والے سب ایک سے ہیں مری دعا ہے کہ اس جزیرے کے رہنے والے اس اجنبی نسل کے کہے کا یقین کر لیں
English rendering
Khala ke gahre samundaroñ meiñ Agar kaheen koi hai jazira Jahaañ koi saaⁿs le raha hai Jahaañ koi dil dhaṛak raha hai Jahaañ zahaanat ne ilm ka jaam pee liya hai Jahaañ ke baasi Khala ke gahre samundaroñ meiñ Utaarne ko hain apne beṛe Talaash karne koi jazira Jahaañ koi saaⁿs le raha hai Jahaañ koi dil dhaṛak raha hai Meri dua hai Ke us jazire meiñ rahne waloñ ke jism ka rang Us jazire ke rahne waloñ ke jism ke jitne rang hain Un se mukhtalif ho Badan ki hai'at bhi mukhtalif Aur shakal o soorat bhi mukhtalif ho Meri dua hai Agar hai un ka bhi koi mazhab To us jazire ke mazhaboñ se woh mukhtalif ho Meri dua hai Ke us jazire ki sab zabaanoñ se mukhtalif ho zabaan un ki Meri dua hai Khala ke gahre samundaroñ se guzar ke Ek din Us ajnabi nasl ke jahazi Khalaa'i beṛe meiñ Us jazire tak aa'eñ Hum un ke mezbaan hoñ Hum un ko hairat se dekhte hoñ Woh paas aa kar Hameiñ ishaaroñ se yeh bataayeñ Ke un se hum itne mukhtalif hain Ke un ko lagta hai Us jazire ke rahne waale Sab ek se hi hain Meri dua hai Ke us jazire ke rahne waale Us ajnabi nasl ke kahe ka yaqeen kar leiñ