مثال اس کی کہاں ہے کوئی زمانے میں
مثال اس کی کہاں ہے کوئی زمانے میں کہ سارے کھونے کے غم پائے ہم نے پانے میں وہ شکل پگھلی تو ہر شے میں ڈھل گئی جیسے عجیب بات ہوئی ہے اسے بھلانے میں جو منتظر نہ ملا وہ تو ہم ہیں شرمندہ کہ ہم نے دیر لگا دی پلٹ کے آنے میں لطیف تھا وہ تخیل سے خواب سے نازک گنوا دیا اسے ہم نے ہی آزمانے میں سمجھ لیا تھا کبھی اک سراب کو دریا پر اک سکون تھا ہم کو فریب کھانے میں جھکا درخت ہوا سے تو آندھیوں نے کہا زیادہ فرق نہیں جھکنے ٹوٹ جانے میں
English rendering
Misaal us ki kahan hai koi zamane mein Ke saare khone ke gham paaye hum ne paane mein Woh shakal pighli to har shai mein dhal gai jaise Ajeeb baat hui hai use bhulane mein Jo muntazir na mila woh to hum hi hain sharminda Ke hum ne der laga di palat ke aane mein Lateef tha woh takhayyul se khwab se nazuk Ganwa diya use hum ne hi azmane mein Samajh liya tha kabhi ek saraab ko darya Par ek sukoon tha hum ko fareb khaane mein Jhuka darakht hawa se to aandhiyon ne kaha Ziyada farq nahin jhukne toot jaane mein