پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی
پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی نا آشنا ہر رہگزر نا مہرباں ہر اک نظر جائیں تو اب جائیں کدھر میں اور مری آوارگی ہم بھی کبھی آباد تھے ایسے کہاں برباد تھے بے فکر تھے آزاد تھے مسرور تھے دل شاد تھے وہ چال ایسی چل گیا ہم بجھ گئے دل جل گیا نکلے جلا کے اپنا گھر میں اور مری آوارگی جینا بہت آسان تھا اک شخص کا احسان تھا ہم کو بھی اک ارمان تھا جو خواب کا سامان تھا اب خواب ہے نے آرزو ارمان ہے نے جستجو یوں بھی چلو خوش ہیں مگر میں اور مری آوارگی وہ ماہ وش وہ ماہ رو وہ ماہ کام ہو بہو تھیں جس کی باتیں کو بہ کو اس سے عجب تھی گفتگو پھر یوں ہوا وہ کھو گئی تو مجھ کو ضد سی ہو گئی لائیں گے اس کو ڈھونڈ کر میں اور مری آوارگی یہ دل ہی تھا جو سہ گیا وہ بات ایسی کہہ گیا کہنے کو پھر کیا رہ گیا اشکوں کا دریا بہہ گیا جب کہہ کے وہ دل بر گیا تیرے لیے میں مر گیا روتے ہیں اس کو رات بھر میں اور مری آوارگی اب غم اٹھائیں کس لیے آنسو بہائیں کس لیے یہ دل جلائیں کس لیے یوں جاں گنوائیں کس لیے پیشہ نہ ہو جس کا ستم ڈھونڈیں گے اب ایسا صنم ہوں گے کہیں تو کارگر میں اور مری آوارگی آثار ہیں سب کھوٹ کے امکان ہیں سب چوٹ کے گھر بند ہیں سب گوٹ کے اب ختم ہیں سب ٹوٹکے قسمت کا سب یہ پھیر ہے اندھیر ہے اندھیر ہے ایسے ہوئے ہیں بے اثر میں اور مری آوارگی جب ہمدم و ہمراز تھا تب اور ہی انداز تھا اب سوز ہے تب ساز تھا اب شرم ہے تب ناز تھا اب مجھ سے ہو تو ہو بھی کیا ہے ساتھ وہ تو وہ بھی کیا اک بے ہنر اک بے ثمر میں اور مری آوارگی
English rendering
Phirate hain kab se dar ba dar ab is nagar ab is nagar ek doosre ke humsafar main aur meri awargi Na aashna har rehguzar na meherbaan har ek nazar jaayen to ab jaayen kidhar main aur meri awargi Hum bhi kabhi aabaad the aise kahan barbaad the befikar the azaad the masroor the dilshaad the Woh chaal aisi chal gaya hum bujh gaye dil jal gaya nikle jala ke apna ghar main aur meri awargi Jeena bahut aasaan tha ek shakhs ka ehsaan tha hum ko bhi ek armaan tha jo khwab ka samaan tha Ab khwab hai ne aarzoo armaan hai ne justuju yoon bhi chalo khush hain magar main aur meri awargi Woh mahwash woh mahroo woh mahkaam hubahu thiin jis ki baatein ku ba ku us se ajab thi guftugu Phir yoon hua woh kho gai to mujh ko zid si ho gai laayenge us ko dhoondh kar main aur meri awargi Yeh dil hi tha jo seh gaya woh baat aisi keh gaya kehne ko phir kya reh gaya ashkon ka darya beh gaya Jab keh ke woh dil bhar gaya tere liye main mar gaya rote hain us ko raat bhar main aur meri awargi Ab gham uthayen kis liye aansoo bahayen kis liye yeh dil jalayen kis liye yoon jaan ganwayen kis liye Pesha na ho jis ka sitam dhoondhenge ab aisa sanam honge kahin to kaargar main aur meri awargi Aasaar hain sab khoot ke imkaan hain sab chot ke ghar band hain sab got ke ab khatm hain sab toot ke Qismat ka sab yeh pher hai andher hai andher hai aise hue hain be-asar main aur meri awargi Jab hamdam-o-hamraaz tha tab aur hi andaaz tha ab soz hai tab saaz tha ab sharm hai tab naaz tha Ab mujh se ho to ho bhi kya hai saath woh to woh bhi kya ek be-hunar ek be-samar main aur meri awargi