پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی
پھرتے ہیں کب سے در بدر اب اس نگر اب اس نگر اک دوسرے کے ہم سفر میں اور مری آوارگی نا آشنا ہر رہگزر نا مہرباں ہر اک نظر جائیں تو اب جائیں کدھر میں اور مری آوارگی ہم بھی کبھی آباد تھے ایسے کہاں برباد تھے بے فکر تھے آزاد تھے مسرور تھے دل شاد تھے وہ چال ایسی چل گیا ہم بجھ گئے دل جل گیا نکلے جلا کے اپنا گھر میں اور مری آوارگی جینا بہت آسان تھا اک شخص کا احسان تھا ہم کو بھی اک ارمان تھا جو خواب کا سامان تھا اب خواب ہے نے آرزو ارمان ہے نے جستجو یوں بھی چلو خوش ہیں مگر میں اور مری آوارگی وہ ماہ وش وہ ماہ رو وہ ماہ کام ہو بہو تھیں جس کی باتیں کو بہ کو اس سے عجب تھی گفتگو پھر یوں ہوا وہ کھو گئی تو مجھ کو ضد سی ہو گئی لائیں گے اس کو ڈھونڈ کر میں اور مری آوارگی یہ دل ہی تھا جو سہ گیا وہ بات ایسی کہہ گیا کہنے کو پھر کیا رہ گیا اشکوں کا دریا بہہ گیا جب کہہ کے وہ دل بر گیا تیرے لیے میں مر گیا روتے ہیں اس کو رات بھر میں اور مری آوارگی اب غم اٹھائیں کس لیے آنسو بہائیں کس لیے یہ دل جلائیں کس لیے یوں جاں گنوائیں کس لیے پیشہ نہ ہو جس کا ستم ڈھونڈیں گے اب ایسا صنم ہوں گے کہیں تو کارگر میں اور مری آوارگی آثار ہیں سب کھوٹ کے امکان ہیں سب چوٹ کے گھر بند ہیں سب گوٹ کے اب ختم ہیں سب ٹوٹکے قسمت کا سب یہ پھیر ہے اندھیر ہے اندھیر ہے ایسے ہوئے ہیں بے اثر میں اور مری آوارگی جب ہمدم و ہمراز تھا تب اور ہی انداز تھا اب سوز ہے تب ساز تھا اب شرم ہے تب ناز تھا اب مجھ سے ہو تو ہو بھی کیا ہے ساتھ وہ تو وہ بھی کیا اک بے ہنر اک بے ثمر میں اور مری آوارگ
English rendering
Phirate hain kab se dar-ba-dar ab is nagar ab us nagar ik doosre ke humsafar main aur meri aawaargi Na aashna har rehguzar na mehrbaan har ik nazar jaayen to ab jaayen kidhar main aur meri aawaargi Ham bhi kabhi aabaad thhe aise kahan barbaad thhe be-fikr thhe azaad thhe masroor thhe dilshaad thhe Woh chaal aisi chal gaya hum bujh gaye dil jal gaya nikle jala ke apna ghar main aur meri aawaargi Jeena bahut aasaan thha ik shakhs ka ehsaan thha ham ko bhi ik armaan thha jo khwab ka saamaan thha Ab khwab hai ne aarzoo armaan hai ne justujoo yoon bhi chalo khush hain magar main aur meri aawaargi Woh maah-wash woh maah-roo woh maah-e-kaam-o-bahu thheen jis ki baatein ku-ba-ku us se ajab thhi guftugu Phir yoon huwa woh kho gayi to mujh ko zid si ho gayi laayenge us ko dhoond kar main aur meri aawaargi Yeh dil hi thha jo seh gaya woh baat aisi keh gaya kehne ko phir kya reh gaya ashkon ka darya beh gaya Jab keh ke woh dil bhar gaya tere liye main mar gaya rote hain us ko raat bhar main aur meri aawaargi Ab gham uthaayen kis liye aansoo bahaayen kis liye yeh dil jalaayen kis liye yoon jaan ganwaayen kis liye Pesha na ho jis ka sitam dhoondenge ab aisa sanam honge kahin to kaargar main aur meri aawaargi Aasaar hain sab khoot ke imkaan hain sab chhoot ke ghar band hain sab goot ke ab khatm hain sab tootke Qismat ka sab yeh pher hai andher hai andher hai aise hue hain be-asar main aur meri aawaargi Jab hamdam-o-humraaz thha tab aur hi andaaz thha ab soz hai tab saaz thha ab sharm hai tab naaz thha Ab mujh se ho to ho bhi kya hai saath woh to woh bhi kya ik be-hunar ik be-samar main aur meri aawaargi