شہر کے دکاں دارو کاروبار الفت میں سود کیا زیاں کیا ہے تم نہ جان پاؤ گے
شہر کے دکاں دارو کاروبار الفت میں سود کیا زیاں کیا ہے تم نہ جان پاؤ گے دل کے دام کتنے ہیں خواب کتنے مہنگے ہیں اور نقد جاں کیا ہے تم نہ جان پاؤ گے کوئی کیسے ملتا ہے پھول کیسے کھلتا ہے آنکھ کیسے جھکتی ہے سانس کیسے رکتی ہے کیسے رہ نکلتی ہے کیسے بات چلتی ہے شوق کی زباں کیا ہے تم نہ جان پاؤ گے وصل کا سکوں کیا ہے ہجر کا جنوں کیا ہے حسن کا فسوں کیا ہے عشق کا دروں کیا ہے تم مریض دانائی مصلحت کے شیدائی راہ گمرہاں کیا ہے تم نہ جان پاؤ گے زخم کیسے پھلتے ہیں داغ کیسے جلتے ہیں درد کیسے ہوتا ہے کوئی کیسے روتا ہے اشک کیا ہے نالے کیا دشت کیا ہے چھالے کیا آہ کیا فغاں کیا ہے تم نہ جان پاؤ گے نامراد دل کیسے صبح و شام کرتے ہیں کیسے زندہ رہتے ہیں اور کیسے مرتے ہیں تم کو کب نظر آئی غم زدوں کی تنہائی زیست بے اماں کیا ہے تم نہ جان پاؤ گے جانتا ہوں میں تم کو ذوق شاعری بھی ہے شخصیت سجانے میں اک یہ ماہری بھی ہے پھر بھی حرف چنتے ہو صرف لفظ سنتے ہو ان کے درمیاں کیا ہے تم نہ جان پاؤ گے
English rendering
Shehar ke dukaan-daro karobar-e-ulfat mein sood kya ziyan kya hai tum na jaan paoge Dil ke daam kitne hain khwab kitne mehnge hain aur naqd-e-jaan kya hai tum na jaan paoge Koi kaise milta hai phool kaise khilta hai aankh kaise jhukti hai saans kaise rukti hai Kaise rah nikalti hai kaise baat chalti hai shauq ki zabaan kya hai tum na jaan paoge Wasl ka sukoon kya hai hijr ka junoon kya hai husn ka fasoon kya hai ishq ka daroon kya hai Tum mareez-e-danai maslehat ke shaidaai raah-e-gumraahan kya hai tum na jaan paoge Zakhm kaise phalte hain daagh kaise jalte hain dard kaise hota hai koi kaise rota hai Ashk kya hai naale kya dasht kya hai chhale kya aah kya fughan kya hai tum na jaan paoge Na-murad dil kaise subh-o-sham karte hain kaise zinda rehte hain aur kaise marte hain Tum ko kab nazar aayi ghamzadon ki tanhai zeest be-aman kya hai tum na jaan paoge Janta hoon main tum ko zauq-e-shaairi bhi hai shakhsiyat sajaane mein ek yeh mahiri bhi hai Phir bhi harf chunte ho sirf lafz sunte ho un ke darmiyan kya hai tum na jaan paoge