وقت
یہ وقت کیا ہے یہ کیا ہے آخر کہ جو مسلسل گزر رہا ہے یہ جب نہ گزرا تھا تب کہاں تھا کہیں تو ہوگا گزر گیا ہے تو اب کہاں ہے کہیں تو ہوگا کہاں سے آیا کدھر گیا ہے یہ کب سے کب تک کا سلسلہ ہے یہ وقت کیا ہے یہ واقعے حادثے تصادم ہر ایک غم اور ہر اک مسرت ہر اک اذیت ہر ایک لذت ہر اک تبسم ہر ایک آنسو ہر ایک نغمہ ہر ایک خوشبو وہ زخم کا درد ہو کہ وہ لمس کا ہو جادو خود اپنی آواز ہو کہ ماحول کی صدائیں یہ ذہن میں بنتی اور بگڑتی ہوئی فضائیں وہ فکر میں آئے زلزلے ہوں کہ دل کی ہلچل تمام احساس سارے جذبے یہ جیسے پتے ہیں بہتے پانی کی سطح پر جیسے تیرتے ہیں ابھی یہاں ہیں ابھی وہاں ہیں اور اب ہیں اوجھل دکھائی دیتا نہیں ہے لیکن یہ کچھ تو ہے جو کہ بہہ رہا ہے یہ کیسا دریا ہے کن پہاڑوں سے آ رہا ہے یہ کس سمندر کو جا رہا ہے یہ وقت کیا ہے کبھی کبھی میں یہ سوچتا ہوں کہ چلتی گاڑی سے پیڑ دیکھو تو ایسا لگتا ہے دوسری سمت جا رہے ہیں مگر حقیقت میں پیڑ اپنی جگہ کھڑے ہیں تو کیا یہ ممکن ہے ساری صدیاں قطار اندر قطار اپنی جگہ کھڑی ہوں یہ وقت ساکت ہو اور ہم ہی گزر رہے ہوں اس ایک لمحے میں سارے لمحے تمام صدیاں چھپی ہوئی ہوں نہ کوئی آئندہ نہ گزشتہ جو ہو چکا ہے جو ہو رہا ہے جو ہونے والا ہے ہو رہا ہے میں سوچتا ہوں کہ کیا یہ ممکن ہے سچ یہ ہو کہ سفر میں ہم ہیں گزرتے ہم ہیں جسے سمجھتے ہیں ہم گزرتا ہے وہ تھما ہے گزرتا ہے یا تھما ہوا ہے اکائی ہے یا بٹا ہوا ہے ہے منجمد یا پگھل رہا ہے کسے خبر ہے کسے پتا ہے یہ وقت کیا ہے یہ کائنات عظیم لگتا ہے اپنی عظمت سے آج بھی مطمئن نہیں ہے کہ لمحہ لمحہ وسیع تر اور وسیع تر ہوتی جا رہی ہے یہ اپنی بانہیں پسارتی ہے یہ کہکشاؤں کی انگلیوں سے نئے خلاؤں کو چھو رہی ہے اگر یہ سچ ہے تو ہر تصور کی حد سے باہر مگر کہیں پر یقیناً ایسا کوئی خلا ہے کہ جس کو ان کہکشاؤں کی انگلیوں نے اب تک چھوا نہیں ہے خلا جہاں کچھ ہوا نہیں ہے خلا کہ جس نے کسی سے بھی ''کن'' سنا نہیں ہے جہاں ابھی تک خدا نہیں ہے وہاں کوئی وقت بھی نہ ہوگا یہ کائنات عظیم اک دن چھوئے گی اس ان چھوئے خلا کو اور اپنے سارے وجود سے جب پکارے گی ''کن'' تو وقت کو بھی جنم ملے گا اگر جنم ہے تو موت بھی ہے میں سوچتا ہوں یہ سچ نہیں ہے کہ وقت کی کوئی ابتدا ہے نہ انتہا ہے یہ ڈور لمبی بہت ہے لیکن کہیں تو اس ڈور کا سرا ہے ابھی یہ انساں الجھ رہا ہے کہ وقت کے اس قفس میں پیدا ہوا یہیں وہ پلا بڑھا ہے مگر اسے علم ہو گیا ہے کہ وقت کے اس قفس سے باہر بھی اک فضا ہے تو سوچتا ہے وہ پوچھتا ہے یہ وقت کیا ہے
English rendering
Yeh waqt kya hai Yeh kya hai aakhir ke jo musalsal guzar raha hai Yeh jab na guzra tha Tab kahan tha Kahin to hoga Guzar gaya hai To ab kahan hai Kahin to hoga Kahan se aaya kidhar gaya hai Yeh kab se kab tak ka silsila hai Yeh waqt kya hai Yeh waqiye Haadse Tasaddum Har ek gham Aur har ik musarrat Har ek aziyat Har ek lazzat Har ek tabassum Har ek aansoo Har ek naghma Har ek khushboo Woh zakhm ka dard ho Ke woh lams ka ho jadoo Khud apni awaaz ho ke mahol ki sadaein Yeh zehen mein banti aur bigadti hui faza'en Woh fikr mein aaye zalzale hon ke dil ki halchal Tamam ehsaas Saare jazbe Yeh jaise patte hain Behte paani ki satah par Jaise tairte hain Abhi yahan hain Abhi wahan hain Aur ab hain ojhal Dikhayi deta nahin hai lekin Yeh kuch to hai Jo ke beh raha hai Yeh kaisa darya hai Kin pahadon se aa raha hai Yeh kis samandar ko ja raha hai Yeh waqt kya hai Kabhi kabhi main yeh sochta hoon Ke chalti gaadi se ped dekho To aisa lagta hai Dusri simt ja rahe hain Magar haqeeqat mein Ped apni jagah khade hain To kya yeh mumkin hai Saari sadiyan Qataar andar qataar apni jagah khadi hon Yeh waqt saakit ho Aur hum hi guzar rahe hon Is ek lamhe mein Saare lamhe Tamam sadiyan chhupi hui hon Na koi aayinda Na guzishta Jo ho chuka hai Jo ho raha hai Jo hone wala hai Ho raha hai Main sochta hoon Ke kya yeh mumkin hai Sach yeh ho Ke safar mein hum hain Guzarte hum hain Jise samajhte hain hum Guzarta hai Woh thama hai Guzarta hai ya thama hua hai Ikayi hai ya bata hua hai Hai munjamid Ya pighal raha hai Kise khabar hai Kise pata hai Yeh waqt kya hai Yeh kainat-e-azeem Lagta hai Apni azmat se Aaj bhi mutmain nahin hai Ke lamha lamha Wasee'tar aur wasee'tar hoti ja rahi hai Yeh apni baahein pasaarti hai Yeh keh-kashaon ki ungliyon se Naye khalaon ko chhoo rahi hai Agar yeh sach hai To har tasavvur ki had se bahar Magar kahin par Yaqeenan aisa koi khala hai Ke jis ko In keh-kashaon ki ungliyon ne Ab tak chhoya nahin hai Khala Jahan kuch hua nahin hai Khala Ke jis ne kisi se bhi "Kun" suna nahin hai Jahan abhi tak Khuda nahin hai Wahan Koi waqt bhi na hoga Yeh kainat-e-azeem Ik din Chhoye gi Is un-chhoye khala ko Aur apne saare wajood se Jab pukare gi "Kun" To waqt ko bhi janam milega Agar janam hai to maut bhi hai Main sochta hoon Yeh sach nahin hai Ke waqt ki koi ibtida hai na intiha hai Yeh dor lambi bahut hai Lekin Kahin to is dor ka sira hai Abhi yeh insaan ulajh raha hai Ke waqt ke is qafas mein Paida hua Yehi woh pala badha hai Magar use ilm ho gaya hai Ke waqt ke is qafas se bahar bhi ik fiza hai To sochta hai Woh poochhta hai Yeh waqt kya hai