وہ ڈھل رہا ہے تو یہ بھی رنگت بدل رہی ہے
وہ ڈھل رہا ہے تو یہ بھی رنگت بدل رہی ہے زمین سورج کی انگلیوں سے پھسل رہی ہے جو مجھ کو زندہ جلا رہے ہیں وہ بے خبر ہیں کہ میری زنجیر دھیرے دھیرے پگھل رہی ہے میں قتل تو ہو گیا تمہاری گلی میں لیکن مرے لہو سے تمہاری دیوار گل رہی ہے نہ جلنے پاتے تھے جس کے چولھے بھی ہر سویرے سنا ہے کل رات سے وہ بستی بھی جل رہی ہے میں جانتا ہوں کہ خامشی میں ہی مصلحت ہے مگر یہی مصلحت مرے دل کو کھل رہی ہے کبھی تو انسان زندگی کی کرے گا عزت یہ ایک امید آج بھی دل میں پل رہی ہے
English rendering
Woh dhal raha hai to yeh bhi rangat badal rahi hai Zameen suraj ki ungliyon se phisal rahi hai Jo mujh ko zinda jala rahe hain woh be-khabar hain Ke meri zanjeer dheere dheere pighal rahi hai Main qatl to ho gaya tumhari gali mein lekin Mere lahoo se tumhari deewar gal rahi hai Na jalne paate the jis ke choolhe bhi har savere Suna hai kal raat se woh basti bhi jal rahi hai Main janta hoon ke khamoshi mein hi maslehat hai Magar yahi maslehat mere dil ko khal rahi hai Kabhi to insaan zindagi ki kare ga izzat Yeh ek umeed aaj bhi dil mein pal rahi hai