وہ کمرہ یاد آتا ہے
میں جب بھی زندگی کی چلچلاتی دھوپ میں تپ کر میں جب بھی دوسروں کے اور اپنے جھوٹ سے تھک کر میں سب سے لڑ کے خود سے ہار کے جب بھی اس ایک کمرے میں جاتا تھا وہ ہلکے اور گہرے کتھئی رنگوں کا اک کمرہ وہ بے حد مہرباں کمرہ جو اپنی نرم مٹھی میں مجھے ایسے چھپا لیتا تھا جیسے کوئی ماں بچے کو آنچل میں چھپا لے پیار سے ڈانٹے یہ کیا عادت ہے جلتی دوپہر میں مارے مارے گھومتے ہو تم وہ کمرہ یاد آتا ہے دبیز اور خاصا بھاری کچھ ذرا مشکل سے کھلنے والا وہ شیشم کا دروازہ کہ جیسے کوئی اکھڑ باپ اپنے کھردرے سینے میں شفقت کے سمندر کو چھپائے ہو وہ کرسی اور اس کے ساتھ وہ جڑواں بہن اس کی وہ دونوں دوست تھیں میری وہ اک گستاخ منہ پھٹ آئینہ جو دل کا اچھا تھا وہ بے ہنگم سی الماری جو کونے میں کھڑی اک بوڑھی انا کی طرح آئینے کو تنبیہ کرتی تھی وہ اک گلدان ننھا سا بہت شیطان ان دنوں پہ ہنستا تھا دریچہ یا ذہانت سے بھری اک مسکراہٹ اور دریچے پر جھکی وہ بیل کوئی سبز سرگوشی کتابیں طاق میں اور شیلف پر سنجیدہ استانی بنی بیٹھیں مگر سب منتظر اس بات کی میں ان سے کچھ پوچھوں سرہانے نیند کا ساتھی تھکن کا چارہ گر وہ نرم دل تکیہ میں جس کی گود میں سر رکھ کے چھت کو دیکھتا تھا چھت کی کڑیوں میں نہ جانے کتنے افسانوں کی کڑیاں تھیں وہ چھوٹی میز پر اور سامنے دیوار پر آویزاں تصویریں مجھے اپنائیت سے اور یقیں سے دیکھتی تھیں مسکراتی تھیں انہیں شک بھی نہیں تھا ایک دن میں ان کو ایسے چھوڑ جاؤں گا میں اک دن یوں بھی جاؤں گا کہ پھر واپس نہ آؤں گا میں اب جس گھر میں رہتا ہوں بہت ہی خوبصورت ہے مگر اکثر یہاں خاموش بیٹھا یاد کرتا ہوں وہ کمرہ بات کرتا تھا
English rendering
Main jab bhi Zindagi ki chalchilati dhoop mein tap kar Main jab bhi Doosron ke aur apne jhoot se thak kar Main sab se lad ke khud se haar ke Jab bhi us ek kamre mein jaata tha Woh halke aur gehre kathai rangon ka ek kamra Woh be-had mehrban kamra Jo apni narm mutthi mein mujhe aise chhupa leta tha Jaise koi maa Bachche ko aanchal mein chhupa le Pyaar se daante Yeh kya aadat hai Jalti dopahar mein maare maare ghoomte ho tum Woh kamra yaad aata hai Dabeez aur khaasa bhaari Kuch zara mushkil se khulne wala woh sheesham ka darwaza Ke jaise koi akkhad baap Apne khurdure seene mein Shafqat ke samandar ko chhupaye ho Woh kursi Aur us ke saath woh judwaan behan us ki Woh dono Dost theen meri Woh ek gustaakh munh phat aaina Jo dil ka achha tha Woh be-hangam si almaari Jo kone mein khadi Ek boodhi ana ki tarah Aaine ko tanbeeh karti thi Woh ek guldaan Nanha sa Bohat shaitaan In dono pe hansta tha Dareecha Ya zehanat se bhari ek muskurahat Aur dareeche par jhuki woh bel Koi sabz sargoshi Kitabein Taaq mein aur shelf par Sanjeeda ustaani bani baithi hain Magar sab muntazir is baat ki Main un se kuch poochhoon Sirhaane Neend ka saathi Thakan ka chaaraagar Woh narm dil takiya Main jis ki god mein sar rakh ke Chhat ko dekhta tha Chhat ki kadiyon mein Na jaane kitne afsaanon ki kadiyan theen Woh chhoti mez par Aur saamne deewar par Aawizaan tasveerein Mujhe apnaayat se aur yaqeen se dekhti theen Muskurati theen Unhein shak bhi nahin tha Ek din Main un ko aise chhod jaunga Main ek din yoon bhi jaunga Ke phir waapas na aunga Main ab jis ghar mein rahta hoon Bohat hi khoobsurat hai Magar aksar yahan khamosh baitha yaad karta hoon Woh kamra baat karta tha