جب کلاس سے ٹیچر جاتے ہیں تو کتنی مسرت ہوتی ہے
جب کلاس سے ٹیچر جاتے ہیں تو کتنی مسرت ہوتی ہے ہم مل کر شور مچاتے ہیں تو کتنی مسرت ہوتی ہے چھٹی کی اجازت ملتے ہی ہم جیل کے اک قیدی کی طرح اسکول سے باہر آتے ہیں تو کتنی مسرت ہوتی ہے جس وقت پڑھاتے ہیں ٹیچر دل کتنا پریشاں ہوتا ہے لیکن جب کھیل کھلاتے ہیں تو کتنی مسرت ہوتی ہے جب ہم کو کسی پکنک کے لیے اسکول کی جانب سے اکثر استاد کہیں لے جاتے ہیں تو کتنی مسرت ہوتی ہے درجے میں پڑھاتے وقت اکثر جب میرے سوالوں پر یارو استاد بھی چکر کھاتے ہیں تو کتنی مسرت ہوتی ہے بازار سے جا کر میرے لیے ہر ماہ مرے پیارے پاپا بچوں کا رسالہ لاتے ہیں تو کتنی مسرت ہوتی ہے ان درسی کتابوں میں ہم کو کچھ لطف نہیں ملتا لیکن جب کیفؔ کی نظمیں گاتے ہیں تو کتنی مسرت ہوتی ہے
English rendering
Jab class se teacher jaate hain to kitni masarrat hoti hai Hum mil kar shor machaate hain to kitni masarrat hoti hai Chhutti ki ijaazat milte hi hum jail ke ek qaidi ki tarah School se bahar aate hain to kitni masarrat hoti hai Jis waqt padhaate hain teacher dil kitna pareshaan hota hai Lekin jab khel khilaate hain to kitni masarrat hoti hai Jab hum ko kisi picnic ke liye school ki jaanib se aksar Ustad kahin le jaate hain to kitni masarrat hoti hai Darje mein padhaate waqt aksar jab mere sawaalon par yaaro Ustad bhi chakkar khaate hain to kitni masarrat hoti hai Bazaar se ja kar mere liye har maah mere pyaare papa Bachchon ka risaala laate hain to kitni masarrat hoti hai In darsi kitaabon mein hum ko kuchh lutf nahin milta lekin Jab Kaif ki nazmein gaate hain to kitni masarrat hoti hai