نکلی جو آج تک نہ کسی کی زبان سے
نکلی جو آج تک نہ کسی کی زبان سے ٹکرا رہی ہے بات وہی میرے کان سے سوتا رہا میں خوف کی چادر لپیٹ کر آسیب چیختے رہے خالی مکان سے اکثر میں ایک زہر بجھے تیر کی طرح نکلا ہوں حادثات کی ترچھی کمان سے پھیلا ہوا ہے حد نظر تک سکوت مرگ آواز دے رہا ہے کوئی آسمان سے تنہائیوں کو سونپ کے تاریکیوں کا زہر راتوں کو بھاگ آئے ہم اپنے مکان سے ممکن ہے خوب کھل کے ہو گفت و شنید آج وہ بھی خفا ہے ہم بھی ہیں کچھ بد گمان سے اے کیفؔ جن کو بغض نئی شاعری سے ہے وہ بھی ترے کلام کو پڑھتے ہیں دھیان سے
English rendering
Nikli jo aaj tak na kisi ki zubaan se Tukra rahi hai baat wahi mere kaan se Sota raha main khauf ki chadar lapet kar aaseb cheekhte rahe khaali makaan se Aksar main ek zehar bujhe teer ki tarah nikla hoon hadsat ki tirchhi kamaan se Pheila hua hai hadd-e-nazar tak sukoot-e-marg aawaaz de raha hai koi aasmaan se Tanhaiyon ko sonp ke tareekiyon ka zehar raaton ko bhaag aaye hum apne makaan se Mumkin hai khoob khul ke ho guft-o-shuneed aaj woh bhi khafa hai hum bhi hain kuch bad-gumaan se Ae Kaif! jin ko bughz nai shayari se hai woh bhi tere kalaam ko padhte hain dhyan se