تھوڑا سا عکس چاند کے پیکر میں ڈال دے
تھوڑا سا عکس چاند کے پیکر میں ڈال دے تو آ کے جان رات کے منظر میں ڈال دے جس دن مری جبیں کسی دہلیز پر جھکے اس دن خدا شگاف مرے سر میں ڈال دے اللہ تیرے ساتھ ہے ملاح کو نہ دیکھ یہ ٹوٹی پھوٹی ناؤ سمندر میں ڈال دے آ تیرے مال و زر کو میں تقدیس بخش دوں لا اپنا مال و زر مری ٹھوکر میں ڈال دے بھاگ ایسے رہنما سے جو لگتا ہے خضر سا جانے یہ کس جگہ تجھے چکر میں ڈال دے اس سے ترے مکان کا منظر ہے بد نما چنگاری میرے پھوس کے چھپر میں ڈال دے میں نے پناہ دی تجھے بارش کی رات میں تو جاتے جاتے آگ مرے گھر میں ڈال دے اے کیفؔ جاگتے تجھے پچھلا پہر ہوا اب لاش جیسے جسم کو بستر میں ڈال دے
English rendering
Thoda sa aks chand ke paikar mein daal de Tu aa ke jaan raat ke manzar mein daal de Jis din meri jabeen kisi dehleez par jhuke Us din khuda shigaf mere sar mein daal de Allah tere saath hai mallah ko na dekh Yeh tooti phooti naao samandar mein daal de Aa tere maal o zar ko main taqdees bakhsh doon La apna maal o zar meri thokkar mein daal de Bhaag aise rehnuma se jo lagta hai Khizr sa Jaane yeh kis jagah tujhe chakkar mein daal de Is se tere makan ka manzar hai badnuma Chingari mere phoos ke chappar mein daal de Main ne panah di tujhe barish ki raat mein Tu jaate jaate aag mere ghar mein daal de Aye Kaif jaagte tujhe pichhla pehar hua Ab laash jaise jism ko bistar mein daal de