جدا جب تک تری زلفوں سے پیچ و خم نہیں ہوں گے
جدا جب تک تری زلفوں سے پیچ و خم نہیں ہوں گے ستم دنیا میں بڑھتے ہی رہیں گے کم نہیں ہوں گے دل پر غم نہ ہوں گے دیدۂ پر نم نہیں ہوں گے اندھیرا ہوگا اس محفل میں جس میں ہم نہیں ہوں گے دلاسے ان کے جو درد آشنائے غم نہیں ہوں گے نمک ہی ہوں گے دل کے زخم پر مرہم نہیں ہوں گے اگر بڑھتا رہا یوں ہی یہ سودائے ستم گاری تمہی رسوا سر بازار ہو گے ہم نہیں ہوں گے جناب شیخ پر افسوس ہے ہم نے تو سمجھا تھا حرم کے رہنے والے ایسے نامحرم نہیں ہوں گے ادھر آؤ تمہاری زلف ہم آراستہ کر دیں جو گیسو ہم سنواریں گے کبھی برہم نہیں ہوں گے اگرچہ عشق میں مرنے کا خطرہ ہی زیادہ ہے مگر مرنے کے ڈر سے مرنے والے کم نہیں ہوں گے
English rendering
Juda jab tak teri zulfon se pech o kham nahin honge Sitam duniya mein baṛhte hi rahenge kam nahin honge Dil par gham na honge deedah par nam nahin honge Andhera hoga us mahfil mein jis mein hum nahin honge Dilaase un ke jo dard aashnāye gham nahin honge Namak hi honge dil ke zakhm par marham nahin honge Agar baṛhta raha yun hi yeh sauda-e-sitam-gari Tumhi ruswa sar-e-bazaar hoge hum nahin honge Janab-e-Shaikh par afsos hai hum ne to samjha tha Haram ke rehne wale aise na-mahram nahin honge Idhar aao tumhari zulf hum aarasta kar dein Jo gaisu hum sanwarenge kabhi barham nahin honge Agarcha ishq mein marne ka khatra hi ziyada hai Magar marne ke ḍar se marne wale kam nahin honge