تلخیاں اس میں بہت کچھ ہیں مزا کچھ بھی نہیں
تلخیاں اس میں بہت کچھ ہیں مزا کچھ بھی نہیں زندگی درد محبت کے سوا کچھ بھی نہیں شمع خاموش بھی رہتے ہوئے خاموش کہاں اس طرح کہہ دیا سب کچھ کہ کہا کچھ بھی نہیں ہم گدایان محبت کا یہی سب کچھ ہے گرچہ دنیا یہی کہتی ہے وفا کچھ بھی نہیں یہ نیا طرز کرم ہے ترا اے فصل بہار لے لیا پاس میں جو کچھ تھا دیا کچھ بھی نہیں ہم کو معلوم نہ تھا پہلے یہ آئین جہاں اس کو دیتے ہیں سزا جس کی خطا کچھ بھی نہیں وہی آہیں وہی آنسو کے دو قطرے عاجزؔ کیا تری شاعری میں ان کے سوا کچھ بھی نہیں
English rendering
Talkhiyan is mein bahut kuchh hain maza kuchh bhi nahin Zindagi dard-e-mohabbat ke siwa kuchh bhi nahin Sham'a khamosh bhi rehte hue khamosh kahan Is tarah keh diya sab kuchh ke kaha kuchh bhi nahin Hum gadāyān-e-mohabbat ka yehi sab kuchh hai Garcha duniya yehi kehti hai wafa kuchh bhi nahin Yeh naya tarz-e-karam hai tera ae fasl-e-bahar Le liya paas mein jo kuchh tha diya kuchh bhi nahin Hum ko maloom na tha pehle yeh aain-e-jahan Us ko dete hain saza jis ki khata kuchh bhi nahin Wohi aahein wohi aansoo ke do qatre 'Ajizؔ Kya teri shayari mein in ke siwa kuchh bhi nahin