کون عاجزؔ صلۂ تشنہ دہانی مانگے
کون عاجزؔ صلۂ تشنہ دہانی مانگے یہ جہاں آگ اسے دیتا ہے جو پانی مانگے دل بھی گردن بھی ہتھیلی پہ لئے پھرتا ہوں جانے کب کس کا لہو تیری جوانی مانگے توڑیئے مصلحت وقت کی دیواروں کو راہ جس وقت طبیعت کی روانی مانگے مانگنا جرم ہے فن کار سے ترتیب خیال گیسوئے وقت جب آشفتہ بیانی مانگے ساقی تو چاہے تو وہ دور بھی آ سکتا ہے کہ ملے جام شراب اس کو جو پانی مانگے کس کا سینہ ہے جو زخموں سے نہیں ہے معمور کیا کوئی تجھ سے محبت کی نشانی مانگے دل تو دے ہی چکا اب ہے یہ ارادہ اپنا جان بھی دے دوں جو وہ دشمن جانی مانگے ہیں مرے شیشۂ صہبائے سخن میں دونوں نئی مانگے کوئی مجھ سے کہ پرانی مانگے
English rendering
Kaun 'Ajiz sila-e-tishna-dehāni maange Yeh jahan aag use deta hai jo pani maange Dil bhi gardan bhi hatheli pe liye phirta hun Jaane kab kis ka lahu teri jawani maange Toṛiye maslahat-e-waqt ki deewaron ko Raah jis waqt tabiyat ki rawani maange Maangna jurm hai funkaar se tarteeb-e-khayal Gaisu-e-waqt jab aashufta-biyāni maange Saqi tu chahe to woh daur bhi aa sakta hai Ke mile jaam-e-sharab us ko jo paani maange Kis ka seena hai jo zakhmon se nahin hai ma'moor Kya koi tujh se mohabbat ki nishani maange Dil to de hi chuka ab hai yeh irada apna Jaan bhi de dun jo woh dushman-e-jaani maange Hain mere sheesha-e-sahba-e-sukhan mein donon Nayi maange koi mujh se ke purani maange