میرے ہی لہو پر گزر اوقات کرو ہو
میرے ہی لہو پر گزر اوقات کرو ہو مجھ سے ہی امیروں کی طرح بات کرو ہو دن ایک ستم ایک ستم رات کرو ہو وہ دوست ہو دشمن کو بھی تم مات کرو ہو ہم خاک نشیں تم سخن آرائے سر بام پاس آ کے ملو دور سے کیا بات کرو ہو ہم کو جو ملا ہے وہ تمہیں سے تو ملا ہے ہم اور بھلا دیں تمہیں کیا بات کرو ہو یوں تو کبھی منہ پھیر کے دیکھو بھی نہیں ہو جب وقت پڑے ہے تو مدارات کرو ہو دامن پہ کوئی چھینٹ نہ خنجر پہ کوئی داغ تم قتل کرو ہو کہ کرامات کرو ہو بکنے بھی دو عاجزؔ کو جو بولے ہے بکے ہے دیوانہ ہے دیوانے سے کیا بات کرو ہو
English rendering
Mere hi lahoo par guzar auqaat karo ho Mujh se hi amiron ki tarah baat karo ho Din ek sitam ek sitam raat karo ho Woh dost ho dushman ko bhi tum maat karo ho Hum khaak nasheen tum sukhan aara-e-sar-e-baam Paas aa ke milo door se kya baat karo ho Hum ko jo mila hai woh tumhein se to mila hai Hum aur bhala dein tumhein kya baat karo ho Yun to kabhi munh pher ke dekho bhi nahin ho Jab waqt pade hai to mudaraat karo ho Daman pe koi chheent na khanjar pe koi daagh Tum qatl karo ho ke karamaat karo ho Bikne bhi do Ajiz ko jo bole hai bike hai Deewana hai deewane se kya baat karo ho