کلیم عاجز

English rendering

Seene ke zakhm paon ke chhale kahan gae Ae husn tere chahne wale kahan gae Shaano ko chheen chheen ke phenka gaya kahan Aaine tod phoṛ ke dale kahan gae Khalwat mein roshni hai na mahfil mein roshni Ahl-e-wafa chirag-e-wafa le kahan gae But-khane mein bhi ḍher hain ṭukṛe haram mein bhi Jaam o saboo kahan the uchhale kahan gae Aankhon se aansuon ko mili khak mein jagah Pale kahan gae the nikale kahan gae Barbad-e-rozgar hamara hi naam hai Aayen tamasha dekhne wale kahan gae Chhapte gae dilon mein woh ban kar ghazal ke bol Main ḍhoonḍhta raha mere nale kahan gae Uṭhte huon ko sab ne sahara diya Kaleemؔ Girte hue gharib sambhale kahan gae