زخموں کے نئے پھول کھلانے کے لئے آ
زخموں کے نئے پھول کھلانے کے لئے آ پھر موسم گل یاد دلانے کے لئے آ مستی لئے آنکھوں میں بکھیرے ہوئے زلفیں آ پھر مجھے دیوانہ بنانے کے لئے آ اب لطف اسی میں ہے مزا ہے تو اسی میں آ اے مرے محبوب ستانے کے لئے آ آ رکھ دہن زخم پہ پھر انگلیاں اپنی دل بانسری تیری ہے بجانے کے لئے آ ہاں کچھ بھی تو دیرینہ محبت کا بھرم رکھ دل سے نہ آ دنیا کو دکھانے کے لئے آ مانا کہ مرے گھر سے عداوت ہی تجھے ہے رہنے کو نہ آ آگ لگانے کے لئے آ پیارے تری صورت سے بھی اچھی ہے جو تصویر میں نے تجھے رکھی ہے دکھانے کے لئے، آ آشفتہ کہے ہے کوئی دیوانہ کہے ہے میں کون ہوں دنیا کو بتانے کے لئے آ کچھ روز سے ہم شہر میں رسوا نہ ہوئے ہیں آ پھر کوئی الزام لگانے کے لئے آ اب کے جو وہ آ جائے تو عاجزؔ اسے لے کر محفل میں غزل اپنی سنانے کے لئے آ
English rendering
Zakhmon ke naye phool khilane ke liye aa Phir mausam-e-gul yaad dilane ke liye aa Masti liye aankhon mein bikhere hue zulfain Aa phir mujhe deewana banane ke liye aa Ab lutf isi mein hai maza hai to isi mein Aa ae mere mehboob satane ke liye aa Aa rakh dehan zakhm pe phir ungliyan apni Dil bansari teri hai bajane ke liye aa Haan kuchh bhi to derina mohabbat ka bharam rakh Dil se na aa duniya ko dikhane ke liye aa Mana ke mere ghar se adawat hi tujhe hai Rehne ko na aa aag lagane ke liye aa Pyaare teri surat se bhi achhi hai jo tasveer Main ne tujhe rakhi hai dikhane ke liye, aa Ashufta kahe hai koi deewana kahe hai Main kaun hun duniya ko batane ke liye aa Kuchh roz se hum shahar mein ruswa na hue hain Aa phir koi ilzam lagane ke liye aa Ab ke jo woh aa jaae to 'Ajiz use le kar Mahfil mein ghazal apni sunane ke liye aa