ایسا نہیں کہ ان سے محبت نہیں رہی
ایسا نہیں کہ ان سے محبت نہیں رہی جذبات میں وہ پہلی سی شدت نہیں رہی ضعف قویٰ نے آمد پیری کی دی نوید وہ دل نہیں رہا وہ طبیعت نہیں رہی سر میں وہ انتظار کا سودا نہیں رہا دل پر وہ دھڑکنوں کی حکومت نہیں رہی کمزوریٔ نگاہ نے سنجیدہ کر دیا جلووں سے چھیڑ چھاڑ کی عادت نہیں رہی ہاتھوں سے انتقام لیا ارتعاش نے دامان یار سے کوئی نسبت نہیں رہی پیہم طواف کوچۂ جاناں کے دن گئے پیروں میں چلنے پھرنے کی طاقت نہیں رہی چہرے کو جھریوں نے بھیانک بنا دیا آئینہ دیکھنے کی بھی ہمت نہیں رہی اللہ جانے موت کہاں مر گئی خمارؔ اب مجھ کو زندگی کی ضرورت نہیں رہی
English rendering
Aisa nahin ke un se mohabbat nahin rahi Jazbaat mein woh pehli si shiddat nahin rahi Za'f-e-qawwi ne aamad-e-peeri ki di naveed Woh dil nahin raha woh tabiyat nahin rahi Sar mein woh intezar ka sauda nahin raha Dil par woh dhadkanon ki hukoomat nahin rahi Kamzori-e-nigah ne sanjeeda kar diya Jalwon se chhed chhad ki aadat nahin rahi Hathon se intiqam liya irtiaash ne Daman-e-yaar se koi nisbat nahin rahi Paiham tawaf-e-koocha-e-jaanan ke din gaye Pairon mein chalne phirne ki taaqat nahin rahi Chehre ko jhurriyon ne bhayanak bana diya Aaina dekhne ki bhi himmat nahin rahi Allah jaane maut kahan mar gayi Khumar Ab mujh ko zindagi ki zaroorat nahin rahi