جھنجھلائے ہیں لجائے ہیں پھر مسکرائے ہیں
جھنجھلائے ہیں لجائے ہیں پھر مسکرائے ہیں کس اہتمام سے انہیں ہم یاد آئے ہیں دیر و حرم کے حبس کدوں کے ستائے ہیں ہم آج مے کدے کی ہوا کھانے آئے ہیں اب جا کے آہ کرنے کے آداب آئے ہیں دنیا سمجھ رہی ہے کہ ہم مسکرائے ہیں گزرے ہیں مے کدے سے جو توبہ کے بعد ہم کچھ دور عادتاً بھی قدم لڑکھڑائے ہیں اے جوش گریہ دیکھ نہ کرنا خجل مجھے آنکھیں مری ضرور ہیں آنسو پرائے ہیں اے موت اے بہشت سکوں آ خوش آمدید ہم زندگی میں پہلے پہل مسکرائے ہیں جتنی بھی مے کدے میں ہے ساقی پلا دے آج ہم تشنہ کام زہد کے صحرا سے آئے ہیں انسان جیتے جی کریں توبہ خطاؤں سے مجبوریوں نے کتنے فرشتے بنائے ہیں سمجھاتے قبل عشق تو ممکن تھا بنتی بات ناصح غریب اب ہمیں سمجھانے آئے ہیں کعبے میں خیریت تو ہے سب حضرت خمارؔ یہ دیر ہے جناب یہاں کیسے آئے ہیں
English rendering
Jhinjhlayae hain lajayae hain phir muskuraye hain Kis ehtemaam se unhein hum yaad aaye hain Deir-o-haram ke habs kadon ke sataye hain Hum aaj mai-kade ki hawa khane aaye hain Ab ja ke aah karne ke aadaab aaye hain Duniya samajh rahi hai ke hum muskuraye hain Guzre hain mai-kade se jo tauba ke baad hum Kuchh door aadatan bhi qadam ladkhadaye hain Ae josh-e-girya dekh na karna khajal mujhe Aankhein meri zaroor hain aansu paraye hain Ae maut ae bahisht-e-sukoon aa khush aamdeed Hum zindagi mein pehle pehal muskuraye hain Jitni bhi mai-kade mein hai saaqi pila de aaj Hum tishna kaam zahd ke sehra se aaye hain Insaan jeete ji karein tauba khataon se Majbooriyon ne kitne farishte banaye hain Samjhate qabl-e-ishq to mumkin tha banti baat Naasih ghareeb ab hamein samjhane aaye hain Kaabe mein khairiyat to hai sab Hazrat Khumar! Ye deir hai janab yahan kaise aaye hain