ادائے طول سخن کیا وہ اختیار کرے
ادائے طول سخن کیا وہ اختیار کرے جو عرض حال بہ طرز نگاہ یار کرے بہت ہی تلخ نوا ہوں مگر عزیز وطن میں کیا کروں جو ترا درد بے قرار کرے قدم کو فیض جنوں سے وہ حوصلہ ہے نصیب جو خار راہ کو بھی شمع رہ گزار کرے جگائیں ہم سفروں کو اٹھائیں پرچم شوق نہ جانے کب ہو سحر کون انتظار کرے مثال ملتی ہے کتنوں کی اس دوانے سے چمن سے دور جو بیٹھا غم بہار کرے دیار جور میں رستہ ہے اک یہی ورنہ کسے پسند ہے اے دل کہ سیر دار کرے خدا کرے غم گیتی کا پیچ و تاب اے دوست کچھ اور بھی تری زلفوں کو تابدار کرے ستم کہ تیغ قلم دیں اسے جو اے مجروحؔ غزل کو قتل کرے نغمے کو شکار کرے
English rendering
Ada-e-tul-e-sukhan kya wo ikhtiyar kare Jo arz-e-haal ba tarz-e-nigah-e-yaar kare Bahut hi talkh nawa hoon magar azeez-e-watan Main kya karoon jo tera dard beqarar kare Qadam ko faiz-e-junoon se wo hausla hai naseeb Jo khar-e-raah ko bhi shama-e-rahguzar kare Jagayein ham-safaron ko uthayen parcham-e-shauq Na jaane kab ho sahar kaun intezar kare Misaal milti hai kitnon ki us deewane se Chaman se door jo baitha gham-e-bahar kare Diyar-e-jaur mein rasta hai ik yahi warna Kise pasand hai ae dil ke sair-e-daar kare Khuda kare gham-e-geeti ka pech-o-taab ae dost Kuch aur bhi teri zulfon ko tabdar kare Sitam ke tegh-e-qalam dein use jo ae Majrooh Ghazal ko qatl kare naghme ko shikar kare