اہل طوفاں آؤ دل والوں کا افسانہ کہیں
اہل طوفاں آؤ دل والوں کا افسانہ کہیں موج کو گیسو بھنور کو چشم جانانہ کہیں دار پر چڑھ کر لگائیں نعرۂ زلف صنم سب ہمیں باہوش سمجھیں چاہے دیوانہ کہیں یار نکتہ داں کدھر ہے پھر چلیں اس کے حضور زندگی کو دل کہیں اور دل کو نذرانہ کہیں تھامیں اس بت کی کلائی اور کہیں اس کو جنوں چوم لیں منہ اور اسے انداز رندانہ کہیں سرخی مے کم تھی میں نے چھو لیے ساقی کے ہونٹ سر جھکا ہے جو بھی اب ارباب مے خانہ کہیں تشنگی ہی تشنگی ہے کس کو کہیے مے کدہ لب ہی لب ہم نے تو دیکھے کس کو پیمانہ کہیں پارۂ دل ہے وطن کی سرزمیں مشکل یہ ہے شہر کو ویران یا اس دل کو ویرانہ کہیں اے رخ زیبا بتا دے اور ابھی ہم کب تلک تیرگی کو شمع تنہائی کو پروانہ کہیں آرزو ہی رہ گئی مجروحؔ کہتے ہم کبھی اک غزل ایسی جسے تصویر جانانہ کہیں
English rendering
Ahl-e-toofan aao dil walon ka afsana kahin Mauj ko gesoo, bhanwar ko chashm-e-jaanana kahin Daar par chadh kar lagaayein na'ara-e-zulf-e-sanam Sab hamein ba-hosh samjhein chaahe deewana kahin Yaar nukta-daan kidhar hai phir chalen us ke huzoor Zindagi ko dil kahin aur dil ko nazrana kahin Thaamein us but ki kalayi aur kahein us ko junoon Chhoom lein munh aur use andaaz-e-rindana kahin Surkhi-e-mai kam thi main ne chhoo liye saaqi ke hont Sar jhuka hai jo bhi ab arbaab-e-mai-khana kahin Tishnagi hi tishnagi hai kis ko kahiye mai-kada Lab hi lab hum ne to dekhe kis ko paimana kahin Paara-e-dil hai watan ki sar-zameen mushkil yeh hai Shehr ko veeran ya is dil ko veerana kahin Ae rukh-e-zeba bata de aur abhi hum kab talak Teergi ko shama, tanhai ko parwana kahin Aarzoo hi reh gayi Majrooh! kehte hum kabhi Ik ghazal aisi jise tasveer-e-jaanana kahin