آخر غم جاناں کو اے دل بڑھ کر غم دوراں ہونا تھا
آخر غم جاناں کو اے دل بڑھ کر غم دوراں ہونا تھا اس قطرے کو بننا تھا دریا اس موج کو طوفاں ہونا تھا ہر موڑ پہ مل جاتے ہیں ابھی فردوس و جناں کے شیدائی تجھ کو تو ابھی کچھ اور حسیں اے عالم امکاں ہونا تھا وہ جس کے گداز محنت سے پر نور شبستاں ہے تیرا اے شوخ اسی بازو پہ تری زلفوں کو پریشاں ہونا تھا آتی ہی رہی ہے گلشن میں اب کے بھی بہار آئی ہے تو کیا ہے یوں کہ قفس کے گوشوں سے اعلان بہاراں ہونا تھا آیا ہے ہمارے ملک میں بھی اک دور زلیخائی یعنی اب وہ غم زنداں دیتے ہیں جن کو غم زنداں ہونا تھا اب کھل کے کہوں گا ہر غم دل مجروحؔ نہیں وہ وقت کہ جب اشکوں میں سنانا تھا مجھ کو آہوں میں غزل خواں ہونا تھا
English rendering
Akhir gham-e-janan ko ae dil badh kar gham-e-dauraan hona tha Is qatre ko banna tha darya, is mauj ko toofan hona tha Har mod pe mil jaate hain abhi firdos-o-jinaan ke shaidaai Tujh ko to abhi kuch aur haseen ae alam-e-imkaan hona tha Wo jis ke gudaz-e-mehnat se pur-noor shabistan hai tera Ae shokh isi bazoo pe teri zulfon ko pareshan hona tha Aati hi rahi hai gulshan mein ab ke bhi bahar aayi hai to kya Hai yun ke qafas ke goshon se elaan-e-baharan hona tha Aaya hai hamare mulk mein bhi ik daur-e-zulekhai ya'ni Ab wo gham-e-zindan dete hain jin ko gham-e-zindan hona tha Ab khul ke kahunga har gham-e-dil Majrooh nahin wo waqt ke jab Ashkon mein sunana tha mujh ko aahon mein ghazal-khwan hona tha