چمن ہے مقتل نغمہ اب اور کیا کہیے
چمن ہے مقتل نغمہ اب اور کیا کہیے بس اک سکوت کا عالم جسے نوا کہیے اسیر بند زمانہ ہوں صاحبان چمن مری طرف سے گلوں کو بہت دعا کہیے یہی ہے جی میں کہ وہ رفتۂ تغافل و ناز کہیں ملے تو وہی قصۂ وفا کہیے اسے بھی کیوں نہ پھر اپنے دل زبوں کی طرح خراب کاکل و آوارۂ ادا کہیے یہ کوئے یار یہ زنداں یہ فرش مے خانہ انہیں ہم اہل تمنا کے نقش پا کہیے وہ ایک بات ہے کہیے طلوع صبح نشاط کہ تابش بدن و شعلۂ حنا کہیے وہ ایک حرف ہے کہیے اسے حکایت زلف کہ شکوۂ رسن و بندش بلا کہیے رہے نہ آنکھ تو کیوں دیکھیے ستم کی طرف کٹے زبان تو کیوں حرف ناروا کہیے پکاریے کف قاتل کو اب معالج دل بڑھے جو ناخن خنجر گرہ کشا کہیے پڑے جو سنگ تو کہیے اسے نوالۂ زر لگے جو زخم بدن پر اسے قبا کہیے فسانہ جبر کا یاروں کی طرح کیوں مجروحؔ مزہ تو جب ہے کہ جو کہیے برملا کہیے
English rendering
Chaman hai maqtal-e-naghma ab aur kya kahiye Bas ek sukoot ka aalam jise nawa kahiye Aseer-e-band-e-zamana hoon sahibaan-e-chaman Meri taraf se gulon ko bahut dua kahiye Yahi hai ji mein ke woh rafta taghaful-o-naaz Kahin mile to wahi qissa-e-wafa kahiye Use bhi kyon na phir apne dil-e-zaboon ki tarah Kharab-e-kakul-o-aawara-ada kahiye Yeh koo-e-yaar, yeh zindaan, yeh farsh-e-mai-khana Inhein hum ahl-e-tamanna ke naqsh-e-pa kahiye Woh ek baat hai kahiye tuloo-e-subh-e-nishat Ke taabish-e-badan-o-shola-e-hina kahiye Woh ek harf hai kahiye use hikayat-e-zulf Ke shikwa-e-rasan-o-bandish-e-bala kahiye Rahe na aankh to kyon dekhiye sitam ki taraf Kate zubaan to kyon harf-e-narawa kahiye Pukariye kaff-e-qatil ko ab moaalij-e-dil Badhe jo naakhun-e-khanjar girah-kusha kahiye Pade jo sang to kahiye use niwala-e-zar Lage jo zakhm badan par اسے qaba kahiye Fasana-e-jabr ka yaaron ki tarah kyon Majrooh! Maza to jab hai ke jo kahiye bar mala kahiye