دور دور مجھ سے وہ اس طرح خراماں ہے
دور دور مجھ سے وہ اس طرح خراماں ہے ہر قدم ہے نقش دل ہر نگہ رگ جاں ہے بن گئی ہے مستی میں دل کی بات ہنگامہ قطرہ تھی جو ساغر میں لب تک آ کے طوفاں ہے ہم تو پائے جاں پر کر بھی آئے اک سجدہ سوچتی رہی دنیا کفر ہے کہ ایماں ہے میرے شکوۂ غم سے عالم ندامت میں اس لب تبسم پر شمع سی فروزاں ہے یہ نیاز غم خواری یہ شکست دل داری بس نوازش جاناں دل بہت پریشاں ہے منتظر ہیں پھر میرے حادثے زمانے کے پھر مرا جنوں تیری بزم میں غزل خواں ہے فکر کیا انہیں جب تو ساتھ ہے اسیروں کے اے غم اسیری تو خود شکست زنداں ہے اپنی اپنی ہمت ہے اپنا اپنا دل مجروحؔ زندگی بھی ارزاں ہے موت بھی فراواں ہے
English rendering
Dur dur mujh se woh is tarah kharamaan hai Har qadam hai naqsh-e-dil, har nigah rag-e-jaan hai Ban gayi hai masti mein dil ki baat hungama Qatra thi jo saaghar mein lab tak aa ke toofan hai Hum to paaye jaan par kar bhi aaye ek sajda Sochti rahi duniya kufr hai ke imaan hai Mere shikwa-e-gham se aalam-e-nadamat mein Is lab-e-tabassum par shama si farozaan hai Yeh niyaaz-e-gham-khwari, yeh shikast-e-dil-dari Bas nawazish-e-jaanaan dil bahut pareshaan hai Muntazir hain phir mere hadse zamane ke Phir mera junoon teri bazm mein ghazal-khwan hai Fikr kya inhein jab tu saath hai aseeron ke Aye gham-e-aseeri tu khud shikast-e-zindaan hai Apni apni himmat hai apna apna dil Majrooh! Zindagi bhi arzaan hai maut bhi faraawaan hai