ہمیں شعور جنوں ہے کہ جس چمن میں رہے
ہمیں شعور جنوں ہے کہ جس چمن میں رہے نگاہ بن کے حسینوں کی انجمن میں رہے تو اے بہار گریزاں کسی چمن میں رہے مرے جنوں کی مہک تیرے پیرہن میں رہے مجھے نہیں کسی اسلوب شاعری کی تلاش تری نگاہ کا جادو مرے سخن میں رہے نہ ہم قفس میں رکے مثل بوئے گل صیاد نہ ہم مثال صبا حلقۂ رسن میں رہے کھلے جو ہم تو کسی شوخ کی نظر میں کھلے ہوئے گرہ تو کسی زلف کی شکن میں رہے سرشک رنگ نہ بخشے تو کیوں ہو بار مژہ لہو حنا نہیں بنتا تو کیوں بدن میں رہے ہجوم دہر میں بدلی نہ ہم سے وضع خرام گری کلاہ ہم اپنے ہی بانکپن میں رہے یہ حکم ہے رہے مٹھی میں بند سیل نسیم یہ ضد ہے بحر تپاں کوزۂ کہن میں رہے زباں ہماری نہ سمجھا یہاں کوئی مجروحؔ ہم اجنبی کی طرح اپنے ہی وطن میں رہے
English rendering
Hamein shaoor-e-junoon hai ke jis chaman mein rahe Nigah ban ke haseeno ki anjuman mein rahe Tu ae bahar-e-gurezaan kisi chaman mein rahe Mere junoon ki mahak tere pairahan mein rahe Mujhe nahin kisi usloob-e-shaairi ki talaash Teri nigah ka jadoo mere sukhan mein rahe Na hum qafas mein ruke misl-e-boo-e-gul sayyad Na hum misal-e-saba halqa-e-rasan mein rahe Khule jo hum to kisi shokh ki nazar mein khule Hue girah to kisi zulf ki shikan mein rahe Sarishk-e-rang na bakhshe to kyun ho baar-e-mizhgan Lahu hina nahin banta to kyun badan mein rahe Hujoom-e-dahr mein badli na hum se waza-e-khiram Giri kulah hum apne hi bankpan mein rahe Yeh hukm hai rahe muthi mein band sail-e-naseem Yeh zid hai bahr-e-tapan kuza-e-kuhan mein rahe Zaban hamari na samjha yahan koi Majrooh Hum ajnabi ki tarah apne hi watan mein rahe