ہم ہیں متاع کوچہ و بازار کی طرح
ہم ہیں متاع کوچہ و بازار کی طرح اٹھتی ہے ہر نگاہ خریدار کی طرح اس کوئے تشنگی میں بہت ہے کہ ایک جام ہاتھ آ گیا ہے دولت بیدار کی طرح وہ تو کہیں ہے اور مگر دل کے آس پاس پھرتی ہے کوئی شے نگہ یار کی طرح سیدھی ہے راہ شوق پہ یوں ہی کہیں کہیں خم ہو گئی ہے گیسوئے دلدار کی طرح بے تیشہ نظر نہ چلو راہ رفتگاں ہر نقش پا بلند ہے دیوار کی طرح اب جا کے کچھ کھلا ہنر ناخن جنوں زخم جگر ہوئے لب و رخسار کی طرح مجروحؔ لکھ رہے ہیں وہ اہل وفا کا نام ہم بھی کھڑے ہوئے ہیں گنہ گار کی طرح
English rendering
Hum hain mata-e-koocha-o-bazaar ki tarah Uthti hai har nigah khareedar ki tarah Is ku-e-tishnagi mein bohat hai ke ek jaam Haath aa gaya hai daulat-e-bedaar ki tarah Woh to kahin hai aur magar dil ke aas paas Phirti hai koi shai nigah-e-yaar ki tarah Seedhi hai raah-e-shauq pe yun hi kahin kahin Kham ho gayi hai gesu-e-dildaar ki tarah Be-tesha nazar na chalo raah-e-raftagaan Har naqsh-e-pa buland hai deewar ki tarah Ab ja ke kuch khula hunar-e-nakhun-e-junoon Zakhm-e-jigar hue lab-o-rukhsaar ki tarah Majrooh likh rahe hain woh ahl-e-wafa ka naam Hum bhi khade hue hain gunahgaar ki tarah