مرے پیچھے یہ تو محال ہے کہ زمانہ گرم سفر نہ ہو
مرے پیچھے یہ تو محال ہے کہ زمانہ گرم سفر نہ ہو کہ نہیں مرا کوئی نقش پا جو چراغ راہ گزر نہ ہو رخ تیغ سے جو نہ ہو کبھی سحر ایسی کوئی نہیں مری نہیں ایسی ایک بھی شام جو تہ زلف دار بسر نہ ہو مرے ہاتھ ہیں تو لوں گا خود میں اب اپنا ساقی مے کدہ خم غیر سے تو خدا کرے لب جام بھی مرا تر نہ ہو میں ہزار شکل بدل چکا چمن جہاں میں سن اے صبا کہ جو پھول ہے ترے ہاتھ میں یہ مرا ہی لخت جگر نہ ہو جنہیں سب سمجھتے ہیں مہر و مہ نہ ہوں صرف چند نقوش پا جسے کہتے ہیں کرۂ زمیں فقط ایک سنگ سفر نہ ہو ترے پا زمیں پہ رکے رکے ترا سر فلک پہ جھکا جھکا کوئی تجھ سے بھی ہے عظیم تر یہی وہم تجھ کو مگر نہ ہو شب ظلم نرغۂ راہزن سے پکارتا ہے کوئی مجھے میں فراز دار سے دیکھ لوں کہیں کاروان سحر نہ ہو
English rendering
Mere peeche ye to mahal hai ke zamana garm-e-safar na ho Ke nahin mera koi naqsh-e-pa jo chiragh-e-rahguzar na ho Rukh-e-tegh se jo na ho kabhi sahar, aisi koi nahin meri Nahin aisi ek bhi sham jo teh-e-zulf-e-daar basar na ho Mere haath hain to loonga khud mein ab apna saqi-e-mai-kada Kham-e-ghair se to khuda kare lab-e-jaam bhi mera tar na ho Main hazaar shakal badal chuka chaman-e-jahan mein sun ae saba Ke jo phool hai tere haath mein ye mera hi lakht-e-jigar na ho Jinhein sab samajhte hain mehr-o-mah, na hoon sirf chand nuqoosh-e-pa Jise kehte hain kurra-e-zameen faqat ek sang-e-safar na ho Tere paa zameen pe rakhe rakhe, tera sar falak pe jhuka jhuka Koi tujh se bhi hai azeem-tar, yahi wahm tujh ko magar na ho Shab-e-zulm nargha-e-rahzan se pukarta hai koi mujhe Main faraz-e-daar se dekh loon kahin karwan-e-sahar na ho