مجھ سے کہا جبریل جنوں نے یہ بھی وحیٔ الٰہی ہے
مجھ سے کہا جبریل جنوں نے یہ بھی وحیٔ الٰہی ہے مذہب تو بس مذہب دل ہے باقی سب گمراہی ہے وہ جو ہوئے فردوس بدر تقصیر تھی وہ آدم کی مگر میرا عذاب در بدری میری نا کردہ گناہی ہے سنگ تو کوئی بڑھ کے اٹھاؤ شاخ ثمر کچھ دور نہیں جس کو بلندی سمجھے ہو ان ہاتھوں کی کوتاہی ہے پھر کوئی منظر پھر وہی گردش کیا کیجے اے کوئے نگار میرے لیے زنجیر گلو میری آوارہ نگاہی ہے بہر خدا خاموش رہو بس دیکھتے جاؤ اہل نظر کیا لغزیدہ قدم ہیں اس کے کیا دزدیدہ نگاہی ہے دید کے قابل ہے تو سہی مجروحؔ تری مستانہ روی گرد ہوا ہے رخت سفر رستے کا شجر ہمراہی ہے
English rendering
Mujh se kaha Jibreel junoon ne yeh bhi wahi-e-ilahi hai Mazhab to bas mazhab-e-dil hai baqi sab gumrahi hai Woh jo hue firdous badar taqseer thi woh Aadam ki magar Mera azaab dar-badari meri naa karda gunahi hai Sang to koi barh ke uthao shakh-e-samar kuch door nahin Jisko bulandi samjhe ho un haathon ki kotahi hai Phir koi manzar phir wahi gardish kya keejiye ae koo-e-nigar Mere liye zanjeer-e-gulu meri aawara nigahi hai Bahar-e-Khuda khamosh raho bas dekhte jao ahl-e-nazar Kya laghzida qadam hain uske kya duzdida nigahi hai Deed ke qabil hai to sahi Majrooh teri mastana ravi Gard-e-hawa hai rakht-e-safar raste ka shajar hamrahi hai