تقدیر کا شکوہ بے معنی جینا ہی تجھے منظور نہیں
تقدیر کا شکوہ بے معنی جینا ہی تجھے منظور نہیں آپ اپنا مقدر بن نہ سکے اتنا تو کوئی مجبور نہیں یہ محفل اہل دل ہے یہاں ہم سب مے کش ہم سب ساقی تفریق کریں انسانوں میں اس بزم کا یہ دستور نہیں جنت بہ نگہ تسنیم بہ لب انداز اس کے اے شیخ نہ پوچھ میں جس سے محبت کرتا ہوں انساں ہے خیالی حور نہیں وہ کون سی صبحیں ہیں جن میں بیدار نہیں افسوں تیرا وہ کون سی کالی راتیں ہیں جو میرے نشے میں چور نہیں سنتے ہیں کہ کانٹے سے گل تک ہیں راہ میں لاکھوں ویرانے کہتا ہے مگر یہ عزم جنوں صحرا سے گلستاں دور نہیں مجروحؔ اٹھی ہے موج صبا آثار لیے طوفانوں کے ہر قطرۂ شبنم بن جائے اک جوئے رواں کچھ دور نہیں
English rendering
Taqdeer ka shikwa be-ma'ani jeena hi tujhe manzoor nahin Aap apna muqaddar ban na sake itna to koi majboor nahin Yeh mehfil-e-ahl-e-dil hai yahan hum sab may-kash hum sab saaqi Tafreeq karein insaano mein is bazm ka yeh dastoor nahin Jannat ba-nigah tasneem ba-lab andaaz uske ae Shaikh na pooch Main jis se mohabbat karta hoon insaan hai khayali hoor nahin Woh kaun si subhein hain jin mein bedar nahin afsos tera Woh kaun si kaali raatein hain jo mere nashe mein choor nahin Sunte hain ke kaante se gul tak hain raah mein laakhon veerane Kehta hai magar yeh azm-e-junoon sehra se gulistan door nahin Majrooh uthi hai mauj-e-saba aasar liye tufano ke Har qatra-e-shabnam ban jaye ek ju-e-rawan kuch door nahin