وہ تو گیا یہ دیدۂ خوں بار دیکھیے
وہ تو گیا یہ دیدۂ خوں بار دیکھیے دامن پہ رنگ پیرہن یار دیکھیے دکھلا کے وہ تو لے بھی گیا شوخی خرام اب تک ہیں رقص میں در و دیوار دیکھیے اکتا کے ہم نے توڑی تھی زنجیر نام و ننگ اب تک فضا میں ہے وہی جھنکار دیکھیے سینے میں چھپ گیا ہے طلوع سحر کے ساتھ اب شاخ دل پہ وہ گل رخسار دیکھیے برق طپیدہ باد صبا شعلہ اور ہم ہیں کیسے کیسے اس کے گرفتار دیکھیے پہلے بھی تیز رو تھے پر اس دل نشیں کے ساتھ یہ چشم نم یہ مستئ رفتار دیکھیے مجروحؔ کے لبوں سے یہ خوشبو نہ جا سکی بخشی جو اس نے دولت بیدار دیکھیے
English rendering
Wo to gaya ye dida-e-khoonbaar dekhiye Daman pe rang-e-pairahan-e-yar dekhiye Dikhla ke wo to le bhi gaya shokhi-e-khiram Ab tak hain raqs mein dar-o-deewar dekhiye Ukta ke hum ne todi thi zanjeer-e-naam-o-nang Ab tak fiza mein hai wahi jhankar dekhiye Seene mein chhup gaya hai tuloo-e-sahar ke saath Ab shakh-e-dil pe wo gul-e-rukhsar dekhiye Barq-e-tapeeda, bad-e-saba, shola aur hum Hain kaise kaise us ke giraftar dekhiye Pehle bhi tez-rau the par us dil-nasheen ke saath Ye chashm-e-nam, ye masti-e-raftaar dekhiye Majrooh ke labon se ye khushboo na ja saki Bakhshi jo us ne daulat-e-bedaar dekhiye