دن کے روپ میں رات کہانی
رات کے پھیلے اندھیرے میں کوئی سایہ نہیں جھلملاتے ہوئے کمزور ستارے یہ کہے جاتے ہیں چاند آئے گا تو سائے بھی چلے آئیں گے رات کے پھیلے اندھیرے میں کوئی سایہ نہیں ہوتا ہے رات اک بات ہے صدیوں کی کئی صدیوں کی یا کسی پچھلے جنم کی ہوگی رات کے پھیلے اندھیرے ہیں کوئی سایہ نہ تھا رات کا پھیلا اندھیرا محتاج اک بھکاری تھا اسی پہلی کرن کا جو لرزتے ہوئے آتی ہے جگا دیتی ہے سوئے سایوں کو اٹھا دیتی ہے بیداری میں زیست کے ہلتے ہوئے جھومتے آثار نظر آتے ہیں زیست سے پہلے مگر بات کوئی اور ہی تھی رات کے پھیلے اندھیرے میں کوئی سایہ نہ تھا چاند کے آنے پہ سائے آئے اس کے بکھرے ہوئے گیسو سائے لاج کی میٹھی جھجک بھی سایہ اور بھی سائے تھے ہلکے گہرے کالی آنکھوں کی گھنیری پلکیں اپنے آغوش میں سایوں کو لئے بیٹھی تھیں اور ان سایوں میں محسوس ہوا کرتا تھا دل کا غم دل کی خلش دل کی تمنا ہر شے ایک سایہ ہے لرزتا سایہ اور مجھے دیکھنے پر اس کی گھنیری چپ چاپ ایک سایہ ہی نظر آتی تھی ایسا اک سایہ جو خاموش رہا کرتا ہو اور اسے دیکھتے ہی میں بھی تو اک سایہ ہی بن جاتا تھا سایہ خاموش رہا کرتا ہے اور اک لرزش بیتاب کے ہونے پہ بھی خاموشی ہی راہ میں میری عناں گیر ہوا کرتی تھی اس کے بکھرے ہوئے گیسو سائے لاج کی میٹھی جھجک بھی سایہ اور بھی سائے تھے ہلکے گہرے کالی آنکھوں کی گھنیری پلکیں اپنے آغوش میں سایوں کو لئے بیٹھی تھیں اور ان سایوں میں محسوس ہوا کرتا تھا دل کا غم دل کی خلش دل کی تمنا ہر شے ایک سایہ ہے لرزتا سایہ اور مجھے دیکھنے پر اس کی گھنیری چپ چاپ ایک سایہ ہی نظر آتی تھی ایسا اک سایہ جو خاموش رہا کرتا ہو اور اسے دیکھتے ہی میں بھی تو اک سایہ ہی بن جاتا تھا سایہ خاموش رہا کرتا ہے اور اک لرزش بیتاب کے ہونے پر بھی خاموشی ہی راہ میں میری عناں گیر ہوا کرتی تھی سیدھا جاتا ہوا رستہ بھی تو اک سایہ تھا اس پہ آتے ہوئے جاتے ہوئے انسان تمام دھندلے سائے تھے مگر سائے تھے میں بھی جاتا ہوا آتا ہوا اک سایہ تھا میں بھی اک سایہ تھا کس کا سایہ کس کے قدموں سے لپٹتے ہوئے چپ چاپ چلا جاتا تھا کہہ تو دوں دل میں یہ غم ناک خیال آتا ہے سایہ خاموش رہا کرتا ہے رات کے سائے ہی خاموش رہا کرتے ہیں دن کے سائے تو کہا کرتے ہیں بیتی لذت کی کہانی سے اور مری مستی بھی اب دن کا ہی اک سایہ ہے جس کے ایک کنارے کو شعاع سوزاں اپنی شدت سے جلانے پہ مٹانے پہ تلی بیٹھی ہے کاش آ جائے گھٹا چھائے گھٹا اور بن جائے چڑھتے سورج کا زوال چڑھتا سورج یہ بتا دیتا ہے بڑھتے سائے ہیں کسی کے غماز بہتے بہتے یہ کہے جاتے ہیں رات کے جاگے ہوئے سوئے ہوئے اٹھے ہیں دھوپ کھاتے ہوئے لٹکے لٹکے جب کوئی پیرہن آویزاں ایک جھونکے سے لرز اٹھتا ہے ہم نوائی کو لرزتا ہوا سایہ بھی کہے جاتا ہے بیتی لذت کی کہانی سب سے بیتی لذت بھی مرے واسطے اک سایہ ہے کسی سورج کے تلے آتے ہوئے بادل کا سرسراتے ہوئے جھونکے کی طرح آتا ہوا جاتا ہوا باتیں کرنے کو وہ اک پل بھی نہیں رکتا تھا دن کا سایہ تھا اسے رات کی اک بات بھی معلوم نہ تھی رات اک بات ہے صدیوں کی کئی صدیوں کی اور اب دن ہے مجھے سائے نظر آتے ہیں بولتے سائے نظر آتے ہیں جانے پہچانے ہیں پھر بھی نئے مفہوم سمجھاتے ہیں سمجھاتے ہی چلے جاتے ہیں پھر پلٹ آتے ہیں جیسے میں جاتا تھا اور جا کے پلٹ آتا تھا اسی رستے پہ جو اک سایہ تھا راستہ آج بھی سایہ ہے مگر اک نیا سایہ ہے راہ میں ایک مکان وہ بھی سایہ ہے اداسی کا گھنیرا سنسان راہ میں آتی ہوئی ہر مورت ایک سایہ ہے چڑیل حور کا اس میں کوئی عکس نظر آتا نہیں دیکھتے ہی جسے میں کانپ اٹھا کرتا ہوں آنکھوں میں خون اتر آتا ہے سامنے دھند سی چھا جاتی ہے دل دھڑکتا ہی چلا جاتا ہے اور میں دیکھتا ہوں سائے ملتے ہوئے گھلتے ہوئے کچھ بھوت سے بن جاتے ہیں ہنہناتے ہوئے ہنستے ہیں پکار اٹھتے ہیں دل میں کیا دھیان یہی ہے اب بھی دل میں کیا دھیان یہی ہے اب بھی سایہ خاموش رہا کرتا ہے دیکھ ہم بولتے ہیں بولتے سائے ہیں تمام ہم سے بچ تو کہاں جائے گا اور میں کانپ اٹھا کرتا ہوں اور وہ بولتے ہیں کانپ اٹھا ہے لرزتا ہے یہ بزدل ناکام بات کرتا ہی نہیں ہے کوئی اب بھی شاید یہ سمجھتا ہے لرزتے دل میں سایہ خاموش رہا کرتا ہے
English rendering
Raat ke phaile andhere mein koi saaya nahin Jhilmilaate hue kamzor sitaare yeh kahe jaate hain Chaand aayega to saaye bhi chale aayenge Raat ke phaile andhere mein koi saaya nahin hota hai Raat ek baat hai sadiyon ki, kai sadiyon ki Ya kisi pichle janam ki hogi Raat ke phaile andhere hain koi saaya na tha Raat ka phaila andhera mohtaaj Ek bhikari tha isi pehli kiran ka jo larazte hue aati hai jaga deti hai Soye saayon ko utha deti hai bedaari mein Zeest ke hilte hue jhoomte aasaar nazar aate hain Zeest se pehle magar baat koi aur hi thi Raat ke phaile andhere mein koi saaya na tha Chaand ke aane pe saaye aaye Us ke bikhre hue gesu saaye Laaj ki meethi jhijhak bhi saaya Aur bhi saaye the halke gehre Kaali aankhon ki ghaneri palkein Apne aaghosh mein saayon ko liye baithi thin Aur in saayon mein mehsoos hua karta tha Dil ka gham dil ki khalish dil ki tamanna har shai Ek saaya hai larazta saaya Aur mujhe dekhne par us ki ghaneri chup chaap Ek saaya hi nazar aati thi Aisa ek saaya jo khaamosh raha karta ho Aur use dekhte hi main bhi to ek saaya hi ban jaata tha Saaya khaamosh raha karta hai Aur ek larzish betaab ke hone pe bhi khaamoshi hi Raah mein meri inaan-geer hua karti thi Us ke bikhre hue gesu saaye Laaj ki meethi jhijhak bhi saaya Aur bhi saaye the halke gehre Kaali aankhon ki ghaneri palkein Apne aaghosh mein saayon ko liye baithi thin Aur in saayon mein mehsoos hua karta tha Dil ka gham dil ki khalish dil ki tamanna har shai Ek saaya hai larazta saaya Aur mujhe dekhne par us ki ghaneri chup chaap Ek saaya hi nazar aati thi Aisa ek saaya jo khaamosh raha karta ho Aur use dekhte hi main bhi to ek saaya hi ban jaata tha Saaya khaamosh raha karta hai Aur ek larzish betaab ke hone par bhi khaamoshi hi Raah mein meri inaan-geer hua karti thi Seedha jaata hua rasta bhi to ek saaya tha Is pe aate hue jaate hue insaan tamaam Dhundle saaye the magar saaye the Main bhi jaata hua aata hua ek saaya tha Main bhi ek saaya tha, kis ka saaya Kis ke qadmon se lipatte hue chup chaap chala jaata tha Keh to doon dil mein yeh ghamnaak khayal aata hai Saaya khaamosh raha karta hai Raat ke saaye hi khaamosh raha karte hain Din ke saaye to kaha karte hain Beeti lazzat ki kahani se Aur meri masti bhi ab din ka hi ek saaya hai Jis ke ek kinaare ko shuaa-e-sozaan Apni shiddat se jalaane pe mitane pe tali baithi hai Kaash aa jaaye ghata chhaaye ghata aur ban jaaye Chadhte sooraj ka zawaal Chadhta sooraj yeh bata deta hai Badhte saaye hain kisi ke ghammaaz Behte behte yeh kahe jaate hain Raat ke jaage hue soye hue uthe hain Dhoop khaate hue latke latke Jab koi pairahan aavezaan Ek jhonke se laraz uthta hai Ham-nawai ko larazta hua saaya bhi kahe jaata hai Beeti lazzat ki kahani sab se Beeti lazzat bhi mere waaste ek saaya hai Kisi sooraj ke tale aate hue baadal ka Sarsaraate hue jhonke ki tarah aata hua jaata hua Baatein karne ko woh ek pal bhi nahin rukta tha Din ka saaya tha use raat ki ek baat bhi maloom na thi Raat ek baat hai sadiyon ki, kai sadiyon ki Aur ab din hai mujhe saaye nazar aate hain Bolte saaye nazar aate hain Jaane pehchaane hain phir bhi naye mafhoom samjhaate hain samjhaate hi chale jaate hain Phir palat aate hain Jaise main jaata tha aur jaa ke palat aata tha Isi raste pe jo ek saaya tha Raasta aaj bhi saaya hai magar ek naya saaya hai Raah mein ek makaan Woh bhi saaya hai udaasi ka ghanera sunsaan Raah mein aati hui har moorat Ek saaya hai chudail Hoor ka is mein koi aks nazar aata nahin Dekhte hi jise main kaanp utha karta hoon Aankhon mein khoon utar aata hai Saamne dhund si chhaa jaati hai Dil dhadakta hi chala jaata hai Aur main dekhta hoon Saaye milte hue ghulte hue kuchh bhoot se ban jaate hain Hinahinaate hue hanste hain pukaar uthte hain Dil mein kya dhyaan yehi hai ab bhi Dil mein kya dhyaan yehi hai ab bhi Saaya khaamosh raha karta hai Dekh hum bolte hain bolte saaye hain tamaam Hum se bach to kahan jaayega Aur main kaanp utha karta hoon Aur woh bolte hain Kaanp utha hai larazta hai yeh buzdil nakaam Baat karta hi nahin hai koi Ab bhi shayad yeh samajhta hai larazte dil mein Saaya khaamosh raha karta hai