زندگی ختم ہوئی
زندگی ختم ہوئی جب تک اس دل میں رہا جوشِ جنوں تب تک اس دل کو میسر تھی حیات اب نہیں ، آہ نہیں ہے وہ بات زندگی ختم ہوئی ۔ اک دن تھا کہ محبت تھی مرے دل کے قریں تازگی ، ایسی تھی اک پھول تھا دل چاندنی رات کا نقشہ تھا تمام میں تھا اور ساتھ کوئی اور بھی تھا صحنِ گلشن میں تھا مستانہ خرام مری ہمدم کا تھا پیکر نغمہ اور میں خود بھی تھا یکسر نغمہ آنکھ بھی نغمہ ، منظر نغمہ کیسے لمحے تھے کہ حاصل مجھے گویائی تھی لیکن احساس کو حاصل نہیں اب گویائی کیوں چلی بادِ فنا ؟ مٹ گیا عشق کا پہلا نغمہ نکہتِ عشرتِ دل آوارہ اب نہیں ، آہ ! وہ منظر باقی تیر و تار ہے ، تاریک ہے رات اب نہیں ، آہ !نہیں ہے وہ بات زندگی ختم ہوئی ۔ یاس نے یاس نے آکے مرے دل کو کیا ہے زخمی چھین لی ، چھین ہی لی یاس نے راحت دل کی ۔ کس طرح لَوٹ کے اب آۓ گی حالت پہلی تیرہ و تاریک ہے تاریک ہے رات زندگی ختم ہوئی ۔
English rendering
Zindagi khatm hui Jab tak is dil meiñ raha josh-e-junooñ Tab tak is dil ko mayassar thi hayaat Ab nahiñ, aah nahiñ hai woh baat Zindagi khatm hui . Ik din tha ke mohabbat thi mere dil ke qareeñ Taazgi, aisi thi ik phool tha dil Chandni raat ka naqsha tha tamaam Maiñ tha aur saath koi aur bhi tha Sehn-e-gulshan meiñ tha mastana kharaam Meri hamdam ka tha paikar naghma Aur maiñ khud bhi tha yak-sar naghma Aankh bhi naghma, manzar naghma Kaise lamhe the ke hasil mujhe goyaai thi Lekin ehsaas ko hasil nahiñ ab goyaai Kyuñ chali baad-e-fana? Miṭ gaya ishq ka pehla naghma Nikhat-e-ishrat-e-dil aawara Ab nahiñ, aah ! woh manzar baaqi Teer-o-taar hai, taareek hai raat Ab nahiñ, aah !nahiñ hai woh baat Zindagi khatm hui . Yaas ne Yaas ne aake mere dil ko kiya hai zakhmi Chheen li, chheen hi li yaas ne rahat dil ki . Kis tarah lauṭ ke ab aayegi haalat pehli Teerah o taareek hai taareek hai raat Zindagi khatm hui .