ترغیب
رسیلے جرائم کی خوشبو مرے ذہن میں آ رہی ہے رسیلے جرائم کی خوشبو مجھے حد ادراک سے دور لے جا رہی ہے جوانی کا خوں ہے بہاریں ہیں موسم زمیں پر! پسند آج مجھ کو جنوں ہے نگاہوں میں ہے میرے نشے کی الجھن کہ چھایا ہے ترغیب کا جال ہر اک حسیں پر رسیلے جرائم کی خوشبو مجھے آج للچا رہی ہے! قوانین اخلاق کے سارے بندھن شکستہ نظر آ رہے ہیں حسین اور ممنوع جھرمٹ مرے دل کو پھسلا رہے ہیں یہ ملبوس ریشم کے اور ان کی لرزش یہ غازہ..... یہ انجن نسائی فسوں کی ہر اک موہنی آج کرتی ہے سازش مرے دل کو بہکا رہی ہے! مرے ذہن میں آ رہی ہے رسیلے جرائم کی خوشبو!
English rendering
Raseelay jaraim ki khushboo Mere zehn mein aa rahi hai Raseelay jaraim ki khushboo Mujhe hadd-e-idraak se door le ja rahi hai Jawani ka khoon hai Baharein hain mausam zameen par! Pasand aaj mujh ko junoon hai Nigahon mein hai mere nashe ki uljhan Ke chhaya hai targheeb ka jaal har ek haseen par Raseelay jaraim ki khushboo mujhe aaj lalcha rahi hai! Qawaneen-e-akhlaq ke saare bandhan shikasta nazar aa rahe hain Haseen aur mamnoo jhurmat mere dil ko phusla rahe hain Yeh malboos resham ke aur in ki larzish Yeh ghaza..... yeh anjan Nisai fasoon ki har ek mohini aaj karti hai saazish Mere dil ko behka rahi hai! Mere zehn mein aa rahi hai Raseelay jaraim ki khushboo!