ہنسو تو ساتھ ہنسے گی دنیا بیٹھ اکیلے رونا ہوگا
ہنسو تو ساتھ ہنسے گی دنیا بیٹھ اکیلے رونا ہوگا چپکے چپکے بہا کر آنسو دل کے دکھ کو دھونا ہوگا بیرن ریت بڑی دنیا کی آنکھ سے جو بھی ٹپکا موتی پلکوں ہی سے اٹھانا ہوگا پلکوں ہی سے پرونا ہوگا کھونے اور پانے کا جیون نام رکھا ہے ہر کوئی جانے اس کا بھید کوئی نہ دیکھا کیا پانا کیا کھونا ہوگا بن چاہے بن بولے پل میں ٹوٹ پھوٹ کر پھر بن جائے بالک سوچ رہا ہے اب بھی ایسا کوئی کھلونا ہوگا پیاروں سے مل جائیں پیارے انہونی کب ہونی ہوگی کانٹے پھول بنیں گے کیسے کب سکھ سیج بچھونا ہوگا بہتے بہتے کام نہ آئے لاکھ بھنور طوفانی ساگر اب منجدھار میں اپنے ہاتھوں جیون ناؤ ڈبونا ہوگا جو بھی دل نے بھول میں چاہا بھول میں جانا ہو کے رہے گا سوچ سوچ کر ہوا نہ کچھ بھی آؤ اب تو کھونا ہوگا کیوں جیتے جی ہمت ہاریں کیوں فریادیں کیوں یہ پکاریں ہوتے ہوتے ہو جائے گا آخر جو بھی ہونا ہوگا میراجیؔ کیوں سوچ ستائے پلک پلک ڈوری لہرائے قسمت جو بھی رنگ دکھائے اپنے دل میں سمونا ہوگا
English rendering
Hanso to saath hansegi duniya baith akele rona hoga Chupke chupke bahaa kar aansu dil ke dukh ko dhona hoga Bairan reet badi duniya ki aankh se jo bhi tapka moti Palkon hi se uthaana hoga palkon hi se parona hoga Khone aur paane ka jeevan naam rakha hai har koi jaane Is ka bhed koi na dekha kya paana kya khona hoga Bin chaahe bin bole pal mein toot phoot kar phir ban jaaye Baalak soch raha hai ab bhi aisa koi khilona hoga Pyaaron se mil jaayen pyaare anhoni kab honi hogi Kaante phool banenge kaise kab sukh sej bichhauna hoga Behte behte kaam na aaye laakh bhanwar toofani saagar Ab manjhdaar mein apne haathon jeevan nao dubona hoga Jo bhi dil ne bhool mein chaaha bhool mein jaana ho ke rahega Soch soch kar hua na kuch bhi aao ab to khona hoga Kyun jeete ji himmat haarein kyun fariyaadein kyun yeh pukaarein Hote hote ho jaayega aakhir jo bhi hona hoga Miraji kyun soch sataaye palak palak dori lehraaye Qismat jo bhi rang dikhaaye apne dil mein samona hoga