جنگ کا انجام
بہو کہے یہ بڑھیا میری جان کی لاگو بن کے رہے گی ساس کہے گز بھر کی زباں ہے اپنی منہ آئی ہی کہے گی بہو کہے جب دیکھو جب ہی خواہی نخواہی بات بڑھانا ساس پکارے اے مرے اللہ توبہ بھلی اب تو ہی بچانا بہو کہے اپنا گھر کیسا یاں تو اپنے بھی ہیں پرائے ساس کہے جل بھن کے اسے تو راج محل بھی راس نہ آئے بہو کہے جس کے ہاتھوں ہے ڈوئی اسی کا سب کوئی ہے ساس پکارے جاؤ جی جاؤ پاؤں کی جوتی سر پہ چڑھی ہے بہو کہے مجھ جنم جلی کو کس کے پلے باندھ دیا ہے ساس کہے اب کون بتائے آگے جو آیا ہے کس کا کیا ہے بہو کہے یہ پوت کی دردی بس جو چلے تو بس ہی کھلا دے ساس کہے وہ بات ہے اپنی گالی سنے اور پھر بھی دعا دے بہو کہے اب سر پہ پڑی ہے جیسے بھی ہو گزر جائے گی ساس کہے جب دیکھو اس کو دودھ ملیدہ ہی کھائے گی بہو کہے جی جو آتا تھا ساس کے سامنے بول رہی تھی ساس بھی لیکن ترکی بہ ترکی بھید بہو کے کھول رہی تھی ننھے نے یہ موقع تاڑا جھٹ باورچی خانے پہنچا دودھ پہ آئی تھی جو ملائی چپکے سے اس کو کھانے پہنچا کھا کے جو لوٹا راہ میں اس نے کالی بلی جاتے پائی دیکھ کے اس کو ڈر کے مارے زور کی اس نے چیخ لگائی ایک ہی چیخ نے اس کی پل میں ساس بہو کا جھگڑا چکایا دوڑی بہو مرے لال ہوا کیا ساس پکاری ہائے خدایا
English rendering
Bahoo kahe yeh budhiya meri jaan ki laagoo ban ke rahegi Saas kahe gaz bhar ki zubaan hai apni munh aayi hi kahegi Bahoo kahe jab dekho jab hi khwahi nakhwahi baat badhana Saas pukare ay mere Allah tauba bhali ab tu hi bachana Bahoo kahe apna ghar kaisa yahan toh apne bhi hain paraye Saas kahe jal bhun ke use toh raj mahal bhi raas na aaye Bahoo kahe jis ke haathon hai doi usi ka sab koi hai Saas pukare jaao ji jaao paon ki jooti sar pe chadhi hai Bahoo kahe mujh janam jali ko kis ke palle baandh diya hai Saas kahe ab kaun bataye aage jo aaya hai kis ka kya hai Bahoo kahe yeh pot ki dardi bas jo chale toh bas hi khila de Saas kahe woh baat hai apni gaali sune aur phir bhi dua de Bahoo kahe ab sar pe padi hai jaise bhi ho guzar jaayegi Saas kahe jab dekho us ko doodh maleeda hi khaaye gi Bahoo kahe jee jo aata tha saas ke saamne bol rahi thi Saas bhi lekin turki ba turki bhed bahoo ke khol rahi thi Nanhe ne yeh mauqa taada jhat bawarchee khane pahuncha Doodh pe aayi thi jo malai chupke se us ko khane pahuncha Kha ke jo lauta rah mein us ne kaali billi jaate paayi Dekh ke us ko dar ke maare zor ki us ne cheekh lagayi Ek hi cheekh ne us ki pal mein saas bahoo ka jhagda chukaya Daudi bahoo mere laal hua kya saas pukari haye khudaya