محرومی
میں کہتا ہوں تم سے اگر شام کو بھول کر بھی کسی نے کبھی کوئی دھندلا ستارہ نہ دیکھا تو اس پر تعجب نہیں ہے نہ ہوگا ازل سے اسی ڈھب کی پابند ہے شام کی ظاہرا بے ضرر شوخ ناگن ابھرتے ہوئے اور لچکتے ہوئے اور مچلتے ہوئے کہتی جاتی ہے آؤ مجھے دیکھو میں نے تمہارے لیے ایک رنگین محفل جمائی ہوئی ہے انوکھا سا ایوان ہے ہر طرف جس میں پردے گرے ہیں وہاں جو بھی ہو اس کو کوئی نہیں دیکھ سکتا تہیں اس کے پردوں کی ایسے لچکتی چلی جاتی ہیں جیسے پھیلی ہوئی سطح دریا نے اٹھ کر دھندلکے کی مانند پنہاں کیا ہو فضا کو نظر سے ذرا دیکھو چھت پر لٹکتے ہیں فانوس اپنی ہر اک نیم روشن کرن سے سجھاتے ہیں اک بھید کی بات کا گیت جس میں مسہری کے آغوش کی لرزشیں ہوں ستونوں کے پیچھے سے آہستہ آہستہ رکتا ہوا اور جھجکتا ہوا چور سایہ یہی کہہ رہا ہے وہ آئے وہ آئے ابھی ایک پل میں اچانک یونہی جگمگانے لگے گا یہ ایوان یکسر ہر اک چیز کیسے قرینے سے رکھی ہوئی ہے میں کہتی ہوں مانو چلو آؤ محفل سجی ہے تم آؤ تو گونج اٹھے شہنائی دالان میں آنے جانے کی آہٹ سے ہنگامہ پیدا ہو لیکن مسہری کے آغوش کی لرزشوں میں تمہیں اس کا احساس بھی ہونے پائے تو ذمہ ہے میرا ازل سے اس ڈھب کی پابند ہے موج بیتاب اس کو خبر بھی نہ ہوگی کہ اک شاخ نازک نے بے باک جھونکے سے ٹکرا کے آہیں بھری تھیں مگر میں یہ کہتا ہوں تم سے اگر شاد کو بھول کر بھی کسی نے کبھی کوئی دھندلا ستارہ نہ دیکھا تو اس پر تعجب نہیں ہے ازل سے اسی ڈھب کی پابند ہے شام کی شوخ ناگن یہ ڈستی ہے ڈستے ہوئے کہتی جاتی ہے جاؤ اگر تم جھجکتے رہوگے تو ہر لمحہ یکساں روش سے گزر جائے گا اور تم دیکھتے ہی رہوگے اکیلے اکیلے تمہیں دائیں بائیں تمہیں سامنے کچھ دکھائی نہ دے گا فقط سرد دیواریں ہنستی رہیں گی مگر ان کا ہنسنا بھی آہستہ آہستہ بیتے زمانے کی مانند اک دور کی بات معلوم ہونے لگے گا دھندلکے میں ڈوبی ہوئی آنکھ دیکھے گی روزن سے دور اک ستارہ نظر آ رہا ہے مگر چھت پہ فانوس کا کوئی جھولا نہ ہوگا شکستہ فتادہ ستونوں کی مانند فرش حزیں پر تمہارا وہ سایہ تڑپتا رہے گا جسے یہ تمنا تھی کہہ دوں تمنا کیا تھی بس اب اپنی غم ناک باتوں کو اپنے ابھرتے ہوئے اور بدلتے ہوئے رنگ میں تو چھپا لے میں اب مانتا ہوں کہ تو نے روانی میں اپنی بہت دور روزن سے دھندلے ستارے بھی دیکھے ہیں لاکھوں میں اب مانتا ہوں مری آنکھ میں ایک آنسو جھلکتا چلا جا رہا ہے ٹپکتا نہیں ہے میں اب مانتا ہوں مجھے دائیں بائیں مجھے سامنے کچھ دکھائی نہیں دے رہا ہے فقط سرد دیواریں ہنستی چلی جا رہی ہیں میں اب مانتا ہوں کہ میں نے اس ایوان کو آج تک اپنے خوابوں میں دیکھا ہے لیکن وہاں کوئی بھی چیز ایسے قرینے سے رکھی نہیں ہے کہ جیسے بتایا ہے تو نے تری ایک رنگین محفل سجی ہے مسہری کے آغوش کی لرزشوں کا مجھے خواب بھی اب نہ آئے گا میں اپنے کانوں سے کیسے سنوں گا وہ شہنائی کی گونج سیندور کا سرخ نغمہ جسے سن کے دالان میں آنے جانے کی آہٹ سے ہنگامہ ہو جاتا ہے ایک پل کو مجھے تو فقط سرد دیواریں ہنستی سنائی دیے جا رہی ہیں
English rendering
Main kehta hun tum se agar shaam ko bhool kar bhi kisi ne kabhi koi dhundla sitara na dekha To is par ta'ajjub nahin hai na hoga Azal se isi dhab ki paband hai shaam ki zahira be-zarar shokh nagin Ubharte hue aur lachakte hue aur machalte hue kehti jaati hai aao mujhe dekho maine Tumhare liye ek rangin mehfil jamayi hui hai Anokha sa aiwan hai har taraf jis mein parde gire hain wahan jo bhi ho us ko Koi nahin dekh sakta Tehen us ke pardaun ki aise lachakti chali jaati hain jaise phaili hui satah darya ne Uth kar dhundalke ki manind pinhan kiya ho fiza ko nazar se Zara dekho chhat par latakte hain fanoos apni har ek neem roshan kiran se sujhte Hain ek bhed ki baat ka geet jis mein masheri ke aaghosh ki larzishein hon Sutoonon ke peeche se ahista ahista rukta hua aur jhujakta hua chor saaya yahi keh raha Hai woh aaye woh aaye Abhi ek pal mein achaanak yunhi jagmagane lagega ye aiwan yak-sar Har ek cheez kaise qarine se rakhi hui hai Main kehti hun maano chalo aao mehfil saji hai Tum aao to goonj uthe shehnai dalan mein aane jaane ki aahat se hangama paida Ho lekin masheri ke aaghosh ki larzishon mein tumhe is ka ehsaas Bhi hone paaye to zimma hai mera Azal se is dhab ki paband hai mauj-e-betaab is ko khabar bhi na hogi ke ek shaakh-e-nazuk Ne be-baak jhonke se takra ke aahen bhari thin Magar main ye kehta hun tum se agar shad ko bhool kar bhi kisi ne kabhi koi dhundla sitara Na dekha to is par ta'ajjub nahin hai Azal se isi dhab ki paband hai shaam ki shokh nagin Ye dasti hai daste hue kehti jaati hai Jaao agar tum jhujakte rahoge to Har lamha yaksaan rawish se guzar jaayega aur tum dekhte hi rahoge akele akele Tumhe dain baain tumhe samne kuch dikhai na dega faqat sard diwarein hansti rahengi Magar in ka hansna bhi ahista ahista beete zamane ki manind ek door ki baat maloom hone lagega Dhundalke mein doobi hui aankh dekhegi rozan se door ek sitara nazar aa raha hai Magar chhat pe fanoos ka koi jhoola na hoga Shikasta ftada sutoonon ki manind farsh-e-hazin par tumhara woh saaya tadapta rahega jise Ye tamanna thi keh dun tamanna kya thi Bas ab apni ghamnak baaton ko apne ubharte hue aur badalte hue rang mein tu chhupa le Main ab manta hun ke tu ne rawani mein apni bahut door rozan se dhundale Sitare bhi dekhe hain lakhon Main ab manta hun meri aankh mein ek aansu jhalakta chala ja raha hai tapakta nahin hai Main ab manta hun mujhe dain baain mujhe samne kuch dikhai nahin de raha hai faqat Sard diwarein hansti chali ja rahi hain Main ab manta hun ke main ne is aiwan ko aaj tak apne khwabon mein dekha hai lekin Wahan koi bhi cheez aise qarine se rakhi nahin hai Ke jaise bataya hai tu ne teri ek rangin mehfil saji hai Masheri ke aaghosh ki larzishon ka mujhe khwab bhi ab na aayega main apne Kanon se kaise sununga woh shehnai ki goonj sindoor Ka surkh naghma jise sun ke dalan mein aane jaane ki aahat Se hangama ho jaata hai ek pal ko Mujhe to faqat sard diwarein hansti sunai diye ja rahi hain