مجھے گھر یاد آتا ہے
سمٹ کر کس لیے نقطہ نہیں بنتی زمیں کہہ دو یہ پھیلا آسماں اس وقت کیوں دل کو لبھاتا تھا ہر اک سمت اب انوکھے لوگ ہیں اور ان کی باتیں ہیں کوئی دل سے پھسل جاتی کوئی سینہ میں چبھ جاتی انہی باتوں کی لہروں پر بہا جاتا ہے یہ بجرا جسے ساحل نہیں ملتا میں جس کے سامنے آؤں مجھے لازم ہے ہلکی مسکراہٹ میں کہیں یہ ہونٹ تم کو جانتا ہوں دل کہے 'کب چاہتا ہوں میں' انہی لہروں پہ بہتا ہوں مجھے ساحل نہیں ملتا سمٹ کر کس لیے نقطہ نہیں بنتی زمیں کہہ دو وہ کیسی مسکراہٹ تھی بہن کی مسکراہٹ تھی، میرا بھائی بھی ہنستا تھا وہ ہنستا تھا بہن ہنستی ہے اپنے دل میں کہتی ہے یہ کیسی بات بھائی نے کہی دیکھو وہ اماں اور ابا کو ہنسی آئی مگر یوں وقت بہتا ہے تماشا بن گیا ساحل مجھے ساحل نہیں ملتا سمٹ کر کس لیے نقطہ نہیں بنتی زمیں کہہ دو یہ کیسا پھیر ہے تقدیر کا یہ پھیر تو شاید نہیں لیکن یہ پھیلا آسماں اس وقت کیوں دل کو لبھاتا ہے حیات مختصر سب کی بہی جاتی ہے اور میں بھی ہر اک کو دیکھتا ہوں مسکراتا ہے کہ ہنستا ہے کوئی ہنستا نظر آئے کوئی روتا نظر آئے میں سب کو دیکھتا ہوں دیکھ کر خاموش رہتا ہوں مجھے ساحل نہیں ملتا
English rendering
Simat kar kis liye nuqta nahin banti zameen keh do Yeh phaila aasman is waqt kyun dil ko lubhaata tha Har ek simt ab anokhe log hain aur un ki baatein hain Koi dil se phisal jaati koi seena mein chubh jaati Inhi baaton ki lehron par baha jaata hai yeh bajra Jise saahil nahin milta Main jis ke saamne aa'un mujhe laazim hai halki muskurahat mein kahin yeh hont tum ko Jaanta hoon dil kahe 'kya chahta hoon main' Inhi lehron pe behta hoon mujhe saahil nahin milta Simat kar kis liye nuqta nahin banti zameen keh do Woh kaisi muskurahat thi behen ki muskurahat thi, mera bhai bhi hansta tha Woh hansta tha behen hansti hai apne dil mein kehti hai Yeh kaisi baat bhai ne kahi dekho woh amma aur abba ko hansi aayi Magar yun waqt behta hai tamaasha ban gaya saahil Mujhe saahil nahin milta Simat kar kis liye nuqta nahin banti zameen keh do Yeh kaisa pher hai taqdeer ka yeh pher to shayad nahin lekin Yeh phaila aasman is waqt kyun dil ko lubhaata hai Hayaat mukhtasar sab ki behi jaati hai aur main bhi Har ek ko dekhta hoon muskurata hai ke hansta hai Koi hansta nazar aaye koi rota nazar aaye Main sab ko dekhta hoon dekh kar khaamosh rehta hoon Mujhe saahil nahin milta