نگری نگری پھرا مسافر گھر کا رستا بھول گیا
نگری نگری پھرا مسافر گھر کا رستا بھول گیا کیا ہے تیرا کیا ہے میرا اپنا پرایا بھول گیا کیا بھولا کیسے بھولا کیوں پوچھتے ہو بس یوں سمجھو کارن دوش نہیں ہے کوئی بھولا بھالا بھول گیا کیسے دن تھے کیسی راتیں کیسی باتیں گھاتیں تھیں من بالک ہے پہلے پیار کا سندر سپنا بھول گیا اندھیارے سے ایک کرن نے جھانک کے دیکھا شرمائی دھندلی چھب تو یاد رہی کیسا تھا چہرہ بھول گیا یاد کے پھیر میں آ کر دل پر ایسی کاری چوٹ لگی دکھ میں سکھ ہے سکھ میں دکھ ہے بھید یہ نیارا بھول گیا ایک نظر کی ایک ہی پل کی بات ہے ڈوری سانسوں کی ایک نظر کا نور مٹا جب اک پل بیتا بھول گیا سوجھ بوجھ کی بات نہیں ہے من موجی ہے مستانہ لہر لہر سے جا سر پٹکا ساگر گہرا بھول گیا
English rendering
Nagri nagri phira musafir ghar ka rasta bhool gaya Kya hai tera kya hai mera apna paraya bhool gaya Kya bhoola kaise bhoola kyun poochhte ho bas yoon samjho Kaaran dosh nahin hai koi bhoola bhala bhool gaya Kaise din the kaise raatein kaise baatein ghaatein theen Man baalak hai pehle pyaar ka sundar sapna bhool gaya Andhiaare se ek kiran ne jhaank ke dekha sharmayi Dhundli chhab to yaad rahi kaisa tha chehra bhool gaya Yaad ke pher mein aa kar dil par aisi kaari chot lagi Dukh mein sukh hai sukh mein dukh hai bhed yeh niyaara bhool gaya Ek nazar ki ek hi pal ki baat hai dori saanson ki Ek nazar ka noor mita jab ek pal beeta bhool gaya Soojh boojh ki baat nahin hai man mauji hai mastaana Lehar lehar se jaa sar patka saagar gehra bhool gaya