اونچا مکان
بے شمار آنکھوں کو چہرے میں لگائے ہوئے استادہ ہے تعمیر کا اک نقش عجیب اے تمدن کے نقیب! تیری صورت ہے مہیب! ذہن انسانی کا طوفان کھڑا ہے گویا ڈھل کے لہروں میں کئی گیت سنائی مجھے دیتے ہیں مگر ان میں اک جوش ہے بیداد کا فریاد کا اک عکس دراز اور الفاظ میں افسانے ہیں بے خوابی کے کیا کوئی روح حزیں ترے سینے میں بھی بے تاب ہے تہذیب کے رخشندہ نگیں گھٹ کے لہریں ترے گیتوں کی سنیں مجھ کو نظر آنے لگا ایک تلخابہ کسی بادۂ بد رنگ کا اک ٹوٹے ہوئے ساغر میں نشۂ مے سے نظر دھندلی ہوئی جاتی ہے رات کی تیرہ فضا کیوں مجھے گھبراتی ہے؟ رات کی تیرہ فضا میں تری آنکھوں کی چمک مجھ کو ڈرا سکتی نہیں ہے میں تو اس سے بھی بڑھ کے اندھیرے میں رہا کرتا تھا اور اس تیرگیٔ روح میں درخشاں تھے ستارے دکھ کے اور کبھی بھول میں ہر نجم درخشاں سے لپک اٹھتے تھے شعلے سکھ کے جیسے روزن سے ترے تان لپکتی ہوئی پھیلاتی ہے بازو اپنے جذب کر لیتا ہے پھر اس کو خلا کا دامن یاد آنے لگے تنہائی میں بہتے ہوئے آنسو اپنے وہی آنسو وہی شعلے سکھ کے لیکن اک خواب تھا اک خواب کی مانند لپک شالوں کی تھی مری تخئیل کے پر طائر زخمی کے پروں کے مانند پھڑپھڑاتے ہوئے بے کار لرز اٹھتے ہیں مرے اعضا کا تناؤ مجھے جینے ہی نہ دیتا تھا تڑپ کر ایک بار جستجو مجھ کو رہائی کی ہوا کرتی تھی مگر افسوس کہ جب درد دوا بننے لگا مجھ سے وہ پابندی ہٹی اپنے اعصاب کو آسودہ بنانے کے لیے بھول کر تیرگیٔ روح کو میں آ پہنچا اس بلندی کے قدم میں نے لیے جس پہ تو سیکڑوں آنکھوں کو جھپکتے ہوئے استادہ ہے ترے بارے میں سنا رکھی تھیں لوگوں نے مجھے کچھ حکایات عجیب میں یہ سنتا تھا ترے جسم گراں بار میں بستر ہے بچھا اور اک نازنیں لیٹی ہے وہاں تنہائی ایک پھیکی سی تھکن بن کے گھسی جاتی ہے ذہن میں اس کے مگر وہ بیتاب منتظر اس کی ہے پردہ لرزے پیرہن ایک ڈھلکتا ہوا بادل بن جائے اور در آئے اک ان دیکھی انوکھی صورت کچھ غرض اس کو نہیں ہے اس سے دل کو بھاتی ہے نہیں بھاتی ہے آنے والے کی ادا اس کا ہے ایک ہی مقصود وہ استادہ کرے بحر اعصاب کی تعمیر کا اک نقش عجیب جس کی صورت سے کراہت آئے اور وہ بن جائے ترا مد مقابل پل میں ذہن انسانی کا طوفان کھڑا ہو جائے اور وہ نازنیں بے ساختہ بے لاگ ارادے کے بغیر ایک گرتی ہوئی دیوار نظر آنے لگے شب کے بے روح تماشائی کو بھول کر اپنی تھکن کا نغمہ مختصر لرزش چشم در سے ریگ کے قصر کے مانند سبک سار کرے بحر اعصاب کی تعمیر کا اک نقش عجیب ایک گرتی ہوئی دیوار کی مانند لچک کھا جائے یہ حکایات مرے ذہن میں اک بوئے خراماں بن کر جب کبھی چاہتی تھیں رقص کیا کرتی تھیں اور اب دیکھتا ہوں سیکڑوں آنکھوں میں تری ایک ہی چشم درخشاں مجھے آتی ہے نظر کیا اسی چشم درخشاں میں ہے شعلہ سکھ کا؟ ہاتھ سے اپنے اب اس آنکھ کو میں بند کیا چاہتا ہوں
English rendering
Be shumar aankhon ko chehre mein lagaye hue ustada hai ta'meer ka ik naqsh ajeeb Ay tamaddun ke naqeeb! Teri soorat hai muheeb! Zehn insani ka toofan khada hai goya Dhal ke lehron mein kai geet sunai mujhe dete hain magar In mein ik josh hai bedaad ka faryaad ka ik aks daraz Aur alfaaz mein afsaney hain be khwabi ke Kya koi rooh-e-hazin Tere seene mein bhi be taab hai tehzeeb ke rakhshanda nageen Ghat ke lehren tere geeton ki sunin mujh ko nazar aane laga Aik talkhaba kisi baada-e-bad rang ka ik toote hue sagar mein Nasha-e-may se nazar dhundli hui jaati hai Raat ki teera fiza kyun mujhe ghabrati hai? Raat ki teera fiza mein teri aankhon ki chamak mujh ko dara sakti nahin hai main toh Is se bhi badh ke andhere mein raha karta tha Aur us teergi-e-rooh mein darakhshan the sitarey dukh ke Aur kabhi bhool mein har najm darakhshan se lapak uthte the sholay sukh ke Jaise rozan se tere taan lapakti hui phailati hai baazu apne Jazb kar leta hai phir us ko khala ka daaman Yaad aane lage tanhai mein behte hue aansoo apne Wohi aansoo wohi sholay sukh ke Lekin ik khwab tha ik khwab ki maanind lapak shaalon ki thi Meri takhayyul ke par taair-e-zakhmi ke paron ke maanind Phadphadate hue bekaar laraz uthte hain Mere a'za ka tanav mujhe jeene hi na deta tha tadap kar ek baar Justaju mujh ko rehai ki hua karti thi Magar afsos ke jab dard dawa banne laga mujh se woh pabandi hati Apne a'saab ko aasooda banane ke liye Bhool kar teergi-e-rooh ko main aa pahuncha Is bulandi ke qadam mein ne liye Jis pe tu sainkadon aankhon ko jhapakte hue ustada hai Tere bare mein suna rakhi thin logon ne mujhe Kuch hikayaat ajeeb Main yeh sunta tha tere jism-e-giran bar mein bistar hai bichha Aur ik nazneen leti hai wahan tanhai Aik pheeki si thakan ban ke ghusi jaati hai Zehn mein us ke magar woh betaab Muntazir us ki hai parda larze Pairahan ek dhalakta hua badal ban jaaye Aur dar aaye ik un dekhi anokhi soorat Kuch gharaz us ko nahin hai is se Dil ko bhati hai nahin bhati hai Aane wale ki ada Is ka hai ek hi maqsood woh ustada kare Bahr-e-a'saab ki ta'meer ka ik naqsh ajeeb Jis ki soorat se karahat aaye Aur woh ban jaaye tera mudd-e-muqabil pal mein Zehn insani ka toofan khada ho jaaye Aur woh nazneen be sakhta be laag irade ke baghair Ek girti hui deewar nazar aane lage Shab ke be rooh tamashai ko Bhool kar apni thakan ka naghma Mukhtasar larzish-e-chashm-e-dar se Reeg ke qasr ke maanind subuk saar kare Bahr-e-a'saab ki ta'meer ka ik naqsh ajeeb Ek girti hui deewar ki maanind lachak kha jaaye Yeh hikayaat mere zehn mein ik boo-e-kharamaan ban kar Jab kabhi chahti thin raqs kiya karti thin Aur ab dekhta hoon sainkadon aankhon mein teri Ek hi chashm-e-darakhshan mujhe aati hai nazar Kya isi chashm-e-darakhshan mein hai shola sukh ka? Haath se apne ab is aankh ko main band kiya chahta hoon