رس کی انوکھی لہریں
میں یہ چاہتی ہوں کہ دنیا کی آنکھیں مجھے دیکھتی جائیں یوں دیکھتی جائیں جیسے کوئی پیڑ کی نرم ٹہنی کو دیکھے لچکتی ہوئی نرم ٹہنی کو دیکھے مگر بوجھ پتوں کا اترے ہوئے پیرہن کی طرح سچ کے ساتھ ہی فرش پر ایک مسلا ہوا ڈھیر بن کر پڑا ہو میں یہ چاہتی ہوں کہ جھونکے ہوا کے لپٹتے چلے جائیں مجھ سے مچلتے ہوئے چھیڑ کرتے ہوئے ہنستے ہنستے کوئی بات کہتے ہوئے لاج کے بوجھ سے رکتے رکتے سنبھلتے ہوئے رس کی رنگین سرگوشیوں میں میں یہ چاہتی ہوں کبھی چلتے چلتے کبھی دوڑتے دوڑتے بڑھتی جاؤں ہوا جیسے ندی کی لہروں سے چھوتے ہوئے سرسراتے ہوئے بہتی جاتی ہے رکتی نہیں ہے اگر کوئی پنچھی سہانی صدا میں کہیں گیت گائے تو آواز کی گرم لہریں مرے جسم سے آ کے ٹکرائیں اور لوٹ جائیں ٹھہرنے نہ پائیں کبھی گرم کرنیں کبھی نرم جھونکے کبھی میٹھی میٹھی فسوں ساز باتیں کبھی کچھ کبھی کچھ نئے سے نیا رنگ ابھرے ابھرتے ہی تحلیل ہو جائے پھیلی فضا میں کوئی چیز میرے مسرت کے گھیرے میں رکنے نہ پائے مسرت کا گھیرا سمٹتا چلا جا رہا ہے کھلا کھیت گندم کا پھیلا ہوا ہے بہت دور آکاش کا شامیانہ انوکھی مسہری بنائے رسیلے اشاروں سے بہکا رہا ہے تھپیڑوں سے پانی کی آواز پنچھی کے گیتوں میں گھل کر پھسلتے ہوئے اب نگاہوں سے اوجھل ہوئی جا رہی ہے میں بیٹھی ہوئی ہوں دوپٹا میرے سر سے ڈھلکا ہوا ہے مجھے دھیان آتا نہیں ہے مرے گیسوؤں کو کوئی دیکھ لے گا مسرت کا گھیرا سمٹتا چلا جا رہا ہے بس اب اور کوئی نئی چیز میرے مسرت کے گھیرے میں آنے نہ پائے
English rendering
Main ye chahti hun ke duniya ki aankhein mujhe dekhti jaayen yun dekhti jaayen jaise Koi ped ki narm tehni ko dekhe Lachakti hui narm tehni ko dekhe Magar bojh patton ka utre hue pairahan ki tarah sach ke saath hi farsh par ek masla hua Dher ban kar pada ho Main ye chahti hun ke jhonke hawa ke lipat-te chale jaayen mujh se Machalte hue chhed karte hue hanste hanste koi baat kehte hue laaj ke bojh Se rukte rukte sambhalte hue ras ki rangin sargoshion mein Main ye chahti hun kabhi chalte chalte kabhi daudte daudte badhti jaaun Hawa jaise nadi ki lehron se chhote hue sarsarate hue behti jaati hai rukti Nahin hai Agar koi panchhi suhani sada mein kahin geet gaaye To aawaaz ki garam lehrein mere jism se aa ke takraayen aur laut jaayen thehrne na paayen Kabhi garam kirnein kabhi narm jhonke Kabhi meethi meethi fasoon saz baatein Kabhi kuch kabhi kuch naye se naya rang ubhre Ubharte hi tahleel ho jaaye phaili fiza mein Koi cheez mere masarrat ke ghere mein rukne na paaye Masarrat ka ghera simat-ta chala ja raha hai Khula khet gandum ka phaila hua hai Bahut door aakaash ka shamiyana anokhi masheri banaye raseele isharon se behka raha hai Thaperon se paani ki aawaaz panchhi ke geeton mein ghul kar phisalte hue ab nigahon se ojhal hui ja rahi hai Main baithi hui hun Dupatta mere sar se dhalka hua hai Mujhe dhyan aata nahin hai mere gesuon ko koi dekh lega Masarrat ka ghera simat-ta chala ja raha hai Bas ab aur koi nayi cheez mere masarrat ke ghere mein aane na paaye