الجھن کی کہانی
ایک اکہرا دوسرا دہرا تیسرا ہے سو تہرا ہے ایک اکہرے پر پل پل کو دھیان کا خونیں پہرہ ہے دوسرے دوہرے کے رستے میں تیسرا کھیل کا مہرہ ہے تیسرا تہرہ جو ہے اس کا سب سے اجاگر چہرہ ہے گویا اکہرا پہرا دہرہ مہرا، تہرا چہرہ ہے ایک اکہرا کاغذ دہرا تہرا ہو کر ناؤ بنی ناؤ سے پل بھر بچے بہلے کھیل کھیل میں گھاؤ بنی گھاؤ بنی تو دل میں دھیان یہ آیا کہہ دیں آؤ بنی بن بن کر جو کھیل بگڑ جاتے ہیں ان کی بات نہیں کوئی جنازہ بھی یہ نہیں ہے اور کوئی بارات نہیں یہ اک ایسا دن ہے جس کے آگے پیچھے رات نہیں تہرے کی ہر تہہ میں یوں تو ایک نیا ہی چہرا ہے لیکن ہر ایک چہرا اس بن کھیلے کھیل کا مہرا ہے جس کا رنگ اکہرا ہے آگے بات بڑھائیں کیسے بات بنے تو بات بڑھے اب تک رنگ اکہرا تھا گر کوئی بڑھا تو ہاتھ بڑھے ہونی کی تو ریت یہی ہے چھوٹے دن کی رات بڑھے اب تو جو بھی بڑھنا چاہے اپنے ساتھ ہی ساتھ بڑھے آگے پیچھے دوڑ دوڑ کر اک آگے اک پیچھے ہے پیچھے والا کیسے بڑھے جب آگے والا بھی دوڑے دونوں چوٹ برابر کی ہیں یہ دونوں سے کون کہے ہار اور جیت اسی میں ہے اب کون رکے اور کون بڑھے
English rendering
Ek ikahra doosra dohra teesra hai so tehara hai Ek ikahre par pal pal ko dhyan ka khooni pehra hai Doosre dohre ke raste mein teesra khel ka mohra hai Teesra tehara jo hai us ka sab se ujagar chehra hai Goya ikahra pehra dohra mohra, tehara chehra hai Ek ikahra kaghaz dohra tehara ho kar nao bani Nao se pal bhar bache behle khel khel mein ghaao bani Ghaao bani to dil mein dhyan ye aaya keh dein aao bani Ban ban kar jo khel bigad jaate hain un ki baat nahin Koi janaza bhi ye nahin hai aur koi baraat nahin Ye ek aisa din hai jis ke aage peeche raat nahin Tehere ki har teh mein yun to ek naya hi chehra hai Lekin har ek chehra is bin khele khel ka mohra hai Jis ka rang ikahra hai Aage baat badhaayen kaise baat bane to baat badhe Ab tak rang ikahra tha gar koi badha to haath badhe Honi ki to reet yahi hai chhote din ki raat badhe Ab to jo bhi badhna chaahe apne saath hi saath badhe Aage peeche daud daud kar ek aage ek peeche hai Peeche wala kaise badhe jab aage wala bhi daude Donon chot barabar ki hain ye donon se kaun kahe Haar aur jeet isi mein hai ab kaun ruke aur kaun badhe