عدم کا خلا
ہوا کے جھونکے ادھر جو آئیں تو ان سے کہنا یہاں کوئی ایسی شے نہیں جسے وہ لے جائیں ساتھ اپنے یہاں کوئی ایسی شے نہیں جسے کوئی دیکھ کر یہ سوچے کہ یہ ہمارے بھی پاس ہوتی یہاں کوئی راہ رو نہیں ہے نہ کوئی منزل یہاں اندھیرا نہیں اجالا نہیں کوئی شے نہیں ہے گزرتے لمحوں کے آتشیں پاؤں اس جگہ پے بہ پے رواں ہیں ہر ایک شے کو سجھاتے جاتے ہر ایک شے کو جلاتے جاتے مٹاتے جاتے ہر ایک شے کو سجھاتے جاتے کہ کچھ نہیں ہست سے بھی حاصل ہوا کے جھونکے ادھر جو آئیں تو ان سے کہنا یہ سب معابد یہ شہر گاؤں فسانۂ زیست کے نشاں ہیں مگر ہر اک در پہ جا کے دیکھا ہر ایک دیوار روند ڈالی ہر ایک روزن کو دل سمجھ کر یہ بھید جانا گزرتے لمحوں کے آتشیں پاؤں ہر جگہ پے بہ پے رواں ہیں کہیں مٹاتے کہیں مٹانے کے واسطے نقش نو بناتے حیات رفتہ حیات آئندہ سے ملے گی یہ کون جانے ہوا کے جھونکے ادھر جو آئیں تو ان سے کہنا ہر جگہ دام دوریوں کا بچھا ہوا ہے ہر اک جگہ وقت ایک عفریت کی طرح یوں کھڑا ہوا ہے کہ جیسے وہ کائنات کا عکس بے کراں ہو کبھی فریب خیال بن کر کبھی کبھی بھول کر شعور جمال بن کر شکار کی ناتواں نظر کو سجھا رہا ہے ہر ایک شے سے مرا نشان عدم عیاں ہے عدم بھی دریوزہ گر ہے میرا مرے ہی بل پر رواں دواں ہے ہوا کے جھونکے ادھر جو آئیں تو ان سے کہنا فسانۂ زیست کا جھلستا ہوا اجالا بھی مٹ چکا ہے مگر ہو مٹ کر کوئی اندھیرا نہیں بنا ہے کہ اس جگہ تو کوئی اندھیرا نہیں اجالا نہیں یہاں کوئی شے نہیں ہے
English rendering
Havā ke jhonke idhar jo āein to un se kahnā Yahān koī aisī shai nahīn jise vo le jāein sāth apne Yahān koī aisī shai nahīn jise koī dekh kar ye soche Ke ye hamāre bhī pās hotī Yahān koī rāh-rau nahīn hai na koī manzil Yahān andherā nahīn ujālā nahīn koī shai nahīn hai Guzarte lamhon ke ātishīn pāon is jagah pe ba pe ravān hain Har ek shai ko sujāte jāte har ek shai ko jalāte jāte miṭāte jāte Har ek shai ko sujāte jāte ke kuch nahīn hast se bhī hāsil Havā ke jhonke idhar jo āein to un se kahnā Ye sab maʿābid ye shahr gāon Fasāna-e-zīst ke nishān hain Magar har ik dar pe jā ke dekhā har ek dīvār raund ḍālī har ek rozan ko dil samajh kar Ye bhed jānā Guzarte lamhon ke ātishīn pāon har jagah pe ba pe ravān hain Kahīn miṭāte kahīn miṭāne ke vāste naqsh-e-nau banāte Hayāt-e-rafta hayāt-e-āyinda se milegī ye kaun jāne Havā ke jhonke idhar jo āein to un se kahnā Har jagah dām-e-dūriyon kā bichhā huā hai Har ek jagah vaqt ek ʿifrīt kī tarah yūn khaṛā huā hai Ke jaise vo kāʾināt kā ʿaks-e-be-karān ho Kabhī fareb-e-khayāl ban kar kabhī kabhī bhūl kar shaʿūr-e-jamāl ban kar Shikār kī nā-tavān nazar ko sujā rahā hai Har ek shai se merā nishān-e-adam ʿayān hai ʿAdam bhī daryūza-gar hai merā mere hī bal par ravān davān hai Havā ke jhonke idhar jo āein to un se kahnā Fasāna-e-zīst kā jhulastā huā ujālā bhī miṭ chukā hai Magar ho miṭ kar koī andherā nahīn banā hai Ke is jagah to koī andherā nahīn ujālā nahīn yahān koī shai nahīn hai