۸ جنوری (۱۹۵۳)
۸ جنوری (۱۹۵۳) ( کراچی طلباء پہ فائرنگ سے متاثر ہو کر ) سالِ نو لے ہی رہا تھا سالِ کہنہ سے خراج دفعتا برہم ہوا، بندہ نوازوں کا مزاج دامنِ انسانیت کے ٹکڑے ٹکڑے کر دیئے پرچمِ امن و سکوں کے پرزے پرزے کر دیئے ہونٹ کھلنے بھی نہ پاۓ تھے براۓ عرضِ حال اٹھنے بھی پایا نہ تھا پوری طرح دستِ سوال گولیاں چلنے لگیں معصوم زد میں آگئے نونہالانِ وطن جامِ شہادت پا گئے ماں کی ممتا خون میں تحلیل ہو کر بہہ گئی باپ کی شفقت سرِ بازار لٹ کر رہ گئی دیکھ کر بیداد بوڑھا آسماں تھرّا گیا ظلم شرمایا جفاؤں کو پسینہ آگیا علم کے بیوپاریوں ، نکتہ رسو ، دانش وروں عارضی فرماں رواؤں ، محلاتی رہبروں کیا سمجھتے ہو ستارے تیرگی میں کھو گئے سر پھرے معصوم باغی نیند گہری سو گئے چند تنکوں سے بھلا طوفان رکتا ہے کہیں عزم مستحکم بروۓ جھکتا ہے کہیں جو قدم راہ طلب میں بڑھ گئے رکتے نہیں کٹ تو سکتے ہیں مگر جادہ بدل سکتے نہیں تندخو سیلِ رواں کو روک سکتا ہے کوئی راہردان راہ حق کو ٹوک سکتا ہے کوئی کس میں ہمت ہے کہ غنچوں کی نمو کو روک دے قید کر لے نکہتیں اور رنگ و بو کو روک دے پھول جو پاۓ تکبر سے مسل ڈالے گئے صفحہ تاریخ کا عنوان وہ بن کر رہے شاخ اک کاٹی تو اور اگتی ہیں وہیں روندنے سے سبزۂ شاداب مرجھایا نہیں سرخی خونِ شہیداںِ رائیگاں جاتی نہیں رنگ لاتی ہے تمنا گھٹ کے مرجاتی نہیں
English rendering
8 January (1953) ( Karachi talbaa pe firing se mutasir ho kar ) Saal-e-nau le hi raha tha saal-e-kohna se khiraaj Dafatan barham hua, banda nawaazon ka mizaaj Daaman-e-insaniyat ke tukde tukde kar diye Parcham-e-amn-o-sukoon ke purze purze kar diye Hont khulne bhi na paaye the baraaye arz-e-haal Uthne bhi paaya na tha poori tarah dast-e-sawaal Goliyan chalne lagin masoom zad mein aa gaye Naunihalān-e-watan jaam-e-shahadat pa gaye Maan ki mamta khoon mein tehleel ho kar beh gayi Baap ki shafqat sar-e-bazaar lut kar reh gayi Dekh kar bedaad boodha aasmaan tharra gaya Zulm sharmaya jafaon ko paseena aa gaya Ilm ke beopaariyon, nukta rasoo, daanishwaron Aarzi farmaan rawāon, mahallaati rehbaron Kya samajhte ho sitaare tareeki mein kho gaye Sar phire masoom baaghi neend gehri so gaye Chand tinkon se bhala toofaan rukta hai kaheen Azm mustahkam barūe jhukta hai kaheen Jo qadam raah-e-talab mein badh gaye rukte nahin Kat to sakte hain magar jaada badal sakte nahin Tund-kho sail-e-rawaān ko rok sakta hai koi Raahravān-e-raah-e-haq ko tok sakta hai koi Kis mein himmat hai ke ghunchon ki namoo ko rok de Qaid kar le nikhaten aur rang-o-boo ko rok de Phool jo paaye takabbur se masal daale gaye Safha-e-tareekh ka unwan woh ban kar rahe Shaakh ik kaati to aur ugti hain waheen Raundne se sabza-e-shaadab murjhaya nahin Surkhi-e-khoon-e-shaheedan-e-raayegaan jaati nahin Rang laati hai tamanna ghat ke murjhaati nahin