اب یہ سوچوں تو بھنور ذہن میں پڑ جاتے ہیں
اب یہ سوچوں تو بھنور ذہن میں پڑ جاتے ہیں کیسے چہرے ہیں جو ملتے ہی بچھڑ جاتے ہیں کیوں ترے درد کو دیں تہمت ویرانئ دل زلزلوں میں تو بھرے شہر اجڑ جاتے ہیں موسم زرد میں اک دل کو بچاؤں کیسے ایسی رت میں تو گھنے پیڑ بھی جھڑ جاتے ہیں اب کوئی کیا مرے قدموں کے نشاں ڈھونڈے گا تیز آندھی میں تو خیمہ بھی اکھڑ جاتے ہیں شغل ارباب ہنر پوچھتے کیا ہو کہ یہ لوگ پتھروں میں بھی کبھی آئنے جڑ جاتی ہیں سوچ کا آئنہ دھندلا ہو تو پھر وقت کے ساتھ چاند چہروں کے خد و خال بگڑ جاتے ہیں شدت غم میں بھی زندہ ہوں تو حیرت کیسی کچھ دیئے تند ہواؤں سے بھی لڑ جاتے ہیں وہ بھی کیا لوگ ہیں محسنؔ جو وفا کی خاطر خود تراشیدہ اصولوں پہ بھی اڑ جاتے ہیں
English rendering
Ab ye sochun to bhanwar zehn mein paD jaate hain Kaise chehre hain jo milte hi bichhaD jaate hain Kyun tere dard ko dein tuhmat-e-veerani-e-dil Zalzaloon mein to bhare shahar ujaD jaate hain Mausam-e-zard mein ek dil ko bachaoon kaise Aisi rut mein to ghane peD bhi jhaD jaate hain Ab koi kya mere qadmon ke nishaan dhunde ga Tez aandhi mein to khaima bhi ukhaD jaate hain Shughl-e-arbab-e-hunar poochhte kya ho ke ye log Pattharon mein bhi kabhi aaine jaD jaate hain Soch ka aaina dhundla ho to phir waqt ke saath Chand chehron ke khud-o-khaal bigaD jaate hain Shiddat-e-gham mein bhi zinda hoon to hairat kaisi Kuch diye tund hawaon se bhi laD jaate hain Wo bhi kya log hain Mohsin jo wafa ki khaatir Khud-tarasheeda usoolon pe bhi uD jaate hain