بچھڑ کے تجھ سے میسر ہوئے وصال کے دن
بچھڑ کے تجھ سے میسر ہوئے وصال کے دن ہیں تیرے خواب کی راتیں ترے خیال کے دن فراق جاں کا زمانہ گزارنا ہوگا فغاں سے کم تو نہ ہوں گے یہ ماہ و سال کے دن ہر اک عمل کا وہ کیا کیا جواز رکھتا ہے نہ بن پڑے گا جواب ایک بھی، سوال کے دن عروج بخت مبارک مگر یہ دھیان رہے انہی دنوں کے تعاقب میں ہیں زوال کے دن گزر رہے ہیں کچھ اس طرح روز و شب اپنے کہ جس طرح سے کٹیں شاخ بے نہال کے دن شکایتیں بھی بہت ہیں حکایتیں بھی بہت گزر نہ جائیں یوں ہی عہد بے مثال کے دن وہ زندگی کو نیا موڑ دے گیا محسنؔ یہی زوال کے دن ہیں مرے کمال کے دن
English rendering
Bichhaṛ ke tujh se muyassar hue visal ke din Hain tere khwaab ki raatein tere khayal ke din Firaq-e-jaan ka zamana guzarna hoga Fughan se kam to na honge yeh mah o saal ke din Har ek amal ka woh kya kya jawaz rakhta hai Na ban paṛega jawab ek bhi, sawal ke din Urooj-e-bakht mubarak magar yeh dhyan rahe Inhi dinon ke ta'aqqub mein hain zawal ke din Guzar rahe hain kuchh is tarah roz o shab apne Ke jis tarah se katein shakh-e-be-nihaal ke din Shikayatein bhi bahut hain hikayatein bhi bahut Guzar na jaayen yoon hi ahd-e-be-misal ke din Woh zindagi ko naya moṛ de gaya Mohsin! Yehi zawal ke din hain mere kamaal ke din