چاہت میں کیا دنیا داری عشق میں کیسی مجبوری
چاہت میں کیا دنیا داری عشق میں کیسی مجبوری لوگوں کا کیا سمجھانے دو ان کی اپنی مجبوری میں نے دل کی بات رکھی اور تو نے دنیا والوں کی میری عرض بھی مجبوری تھی ان کا حکم بھی مجبوری روک سکو تو پہلی بارش کی بوندوں کو تم روکو کچی مٹی تو مہکے گی ہے مٹی کی مجبوری ذات کدے میں پہروں باتیں اور ملیں تو مہر بلب جبر وقت نے بخشی ہم کو اب کے کیسی مجبوری جب تک ہنستا گاتا موسم اپنا ہے سب اپنے ہیں وقت پڑے تو یاد آ جاتی ہے مصنوعی مجبوری اک آوارہ بادل سے کیوں میں نے سایہ مانگا تھا میری بھی یہ نادانی تھی اس کی بھی تھی مجبوری مدت گزری اک وعدے پر آج بھی قائم ہیں محسنؔ ہم نے ساری عمر نباہی اپنی پہلی مجبوری
English rendering
Chahat mein kya duniya-dari ishq mein kaisi majboori Logon ka kya samjhane do un ki apni majboori Main ne dil ki baat rakhi aur tu ne duniya walon ki Meri arz bhi majboori thi un ka hukm bhi majboori Rok sako to pehli baarish ki boondon ko tum roko Kacchi mitti to mehkegi hai mitti ki majboori Zaat-kade mein pehron baatein aur milen to mohr-ba-lab Jab-e-waqt ne bakhshi hum ko ab ke kaisi majboori Jab tak hansta gata mausam apna hai sab apne hain Waqt pade to yaad aa jaati hai masnoo'i majboori Ek aawara badal se kyun main ne saya manga tha Meri bhi yeh nadani thi us ki bhi thi majboori Muddat guzri ek wa'de par aaj bhi qayem hain Mohsin! Hum ne saari umar nibhai apni pehli majboori