غلط تھے وعدے مگر میں یقین رکھتا تھا
غلط تھے وعدے مگر میں یقین رکھتا تھا وہ شخص لہجہ بڑا دل نشین رکھتا تھا ہے تار تار مرے اعتماد کا دامن کِسے بتاؤں کہ میں بھی اِمین رکھتا تھا اُتر گیا ہے رگوں میں مری لہُو بن کر وہ زہر ذائقہ انگبین رکھتا تھا گُزرنے والے نہ یُوں سرسری گُزر دل سے مکاں شِکستہ سہی، پر مکین رکھتا تھا وہ عقلِ کُل تھا بھلا کِس کی مانتا محسن خیال خام پہ پُختہ یقین رکھتا تھا
English rendering
Ghalat the waade magar main yaqeen rakhta tha Woh shakhs lahja bada dil-nasheen rakhta tha Hai taar taar mere aitemaad ka daaman Kise bataun ke main bhi ameen rakhta tha Utar gaya hai ragon mein meri lahu ban kar Woh zehr zaaiqa angabeen rakhta tha Guzarne waale na yoon sarsari guzar dil se Makaan shikasta sahi, par makeen rakhta tha Woh aql-e-kul tha bhala kis ki maanta Mohsin Khayal-e-khaam pe pukhta yaqeen rakhta tha