خرد بھی زیر دام ہے، جنوں بھی زیر دام ہے
خرد بھی زیر دام ہے، جنوں بھی زیر دام ہے ہوس کا نام عشق ہے، طلب خودی کا نام ہے نظر اداس، دل ملول، روح تشنہ کام ہے مگر لبوں پہ نغمۂ حیاتِ شاد کام ہے رہین عارض حسین، اسیر زلفِ مشکبو! نگاہ میں لیے ہوئے گھٹی گھٹی سی جستجو بھٹک رہے ہیں وادیِ خزاں میں بہر رنگ و بو سحر کے گیت گار ہے ہیں اور وقتِ شام ہے نظر میں ماہ و کہکشاں ہیں عظمت بشر نہیں قدم بڑھا رہے ہیں اور راہ معتبر نہیں فریب خوردۂ چمن ہیں دام پر نظر نہیں خیالِ نظمِ میکدہ نہیں ہے، فکرِ جام ہے ملا وہ اختیار جس پہ بے بسی ہے خندہ زن وہ روشنی ملی کہ جس پر تیرگی ہے خندہ زن وہ زندگی ملی کہ جس پر موت بھی ہے خندہ زن بضد ہیں پھر بھی کج نظر حیات شاد کام ہے نمائش و نمود وننگ و نام پر نگاہ ہے! جمالِ یار و جوئبار و جام پر نگاہ ہے بنامِ بندگی، بتانِ بام پر نگاہ ہے شباب و شعر و شاہد و شراب سے ہی کام ہے اگر یہی ہے شاعری تو شاعری حرام ہے
English rendering
Khurd bhi zer-e-daam hai, junoon bhi zer-e-daam hai Hawas ka naam ishq hai, talab khudī ka naam hai Nazar udas, dil malool, rooh tishna-kaam hai Magar labon pe naghma-e-hayat-e-shaad kaam hai Raheen-e-aariz-e-haseen, aseer-e-zulf-e-mushkbu! Nigah mein liye hue ghuti ghuti si justuju Bhaṭak rahe hain wadi-e-khizaa'n mein bahr-e-rang o boo Sahar ke geet ga rahe hain aur waqt-e-shaam hai Nazar mein mah o kehkeshan hain azmat-e-bashar nahin Qadam badha rahe hain aur raah-e-mo'tabar nahin Faraib-khurda-e-chaman hain daam par nazar nahin Khayal-e-nazm-e-maikada nahin hai, fikr-e-jaam hai Mila woh ikhtiyar jis pe be-basi hai khanda-zan Woh roshni mili ke jis par teergi hai khanda-zan Woh zindagi mili ke jis par maut bhi hai khanda-zan Ba-zid hain phir bhi kaj-nazar hayat-e-shaad kaam hai Numaish o namood o nang o naam par nigah hai! Jamal-e-yar o jooybaar o jaam par nigah hai Ba-naam-e-bandagi, butaan-e-baam par nigah hai Shabab o sher o shahid o sharab se hi kaam hai Agar yehi hai shaa'iri to shaa'iri haram hai